فقدت جنيني للمرة الثانية .. اللهم أجرني في مصيبتي ، واخلف لي خيرا منها

بسم الله الرحمن الرحيم

بكل اسف ازف لكم خبر اجهاضي للمرة الثانية :44:

قصتي حدثت قبل اسبوعين تقريبا..
انا اخر دورة كانت لي تاريخ 2-5-2008
قبل الدورة بثلاثة ايام شكيت اني حامل.. رحت وسويت فحص للدم وطلع عندي 12.. يعني حمل ضعيف.. و اعدت التحليل بعد 5 ايام و طلع 54..قالت لي الدكتورة انه نازل..رجعي بعد 3 ايام اذا تضاعف يعني تمام..
لان يمكن صاير لج حمل متأخر..

رجعت بعد 3 ايام و طلع 257 ..قالو لي في معمل الدم انتي الحين في نهاية الاسبوع الثاني
.. ونزلت عند الدكتورة و عطيتها النتيجة
..قالت لي اي الحين ماشي عدل..وروحي البيت و رجعي لي بعد اسبوعين من اليوم..وعطتني مثبت دافستون..

المهم بعد 8 ايام اللي هو اليوم..

نزلت علي افرازات تميل الى البني..انا خفت و قلت اكيد في شي..ورحت لها سوت لي الترا ساوند و جافت ان عمر الكيس 4 اسابيع و قالت انج المفروض 6 اسابيع و الجنين شكله توقف نموه وبيطيح وخلاص وقفي المثبت

:(..وبعد ما يطيح تعالي لي عشان نسوي لج فحوصات و انجوف شنو مشكلة الاسقاط المتكرر..ونعطيج بيبي اسبرين او علاج اقوى في الحمل الجاي..
قلت في قلبي<< تو الناس..بعد ما فقدت جنيني تذكرت ماسوت هالشي بعد فقدي لجنيني الاول او بداية حملي في جنيني هذا.. الي من البداية كان ماشي عدل..
.. حسبنا الله ونعمة الوكيل

وانا قلت لها مو انتو قلتو لي انه حمل متأخر يعني اليوم عدل اني 4 اسابيع..قالت لا حتى لو حمل متأخر بعدين يمشي عدل..انا مافهمت الصراحة .. ووكلت امري لرب العالمين و عليه العوض ان شاء الله..

والحين احس بألم خفيف في بطني و الافرازان البنية شوي شوي قاعدة اتزيد..الله يعينني على الم الاسقاط ويعوضني خير يا رب:44:

اللهم أجرني في مصيبتي ، واخلف لي خيرا منها