سلام عليكم مبعرف من وين ابدا بنات حالتي صعبة كثير كثير
بعد انتظار طويل دام سنتين وبعد دعاء وبكاء ونحيب وتوسل الى رب العالمين رزقني ربي بالحمل كنت فرحانة كثير كثير كانت فرحة لا توصف بس شاءت الاقدار ان اجهضت ونزل مني الجنين الجمعة اللي فات مابعرف ليش عين او حسد او مرض او تعبت حالي بزيادة والسبب كان حماتي الله يسامحها كنت عند امي واتصلت فيني وقالت لي تعالي تساعديني فتحضيرات العيد يعني عجن وكنس وتنظيف وانا كنت قلتلها من قبل انو الدكتورة اوصتني بالراحة وهي ما اهتمت وقالت كل الدكاترة بيقولو هيك.المهم رحت لعندها وساعدتهها وتوكلت على الله ولما رجعت للبيت عند امي لقيت نقط دم احمر قلت خلاص راح انام وبتروح بس ما راحت ولما فقت لقيت دم مثل الدورة ما تتصوروا قديش خفت بكيت كثير وانصدمت من هذاك المنظر اتصلت بدكتورتي لقيتها باجازة واخدوني للمستشفي اللي بالبلد بس ما فيش لاطبيب ولا دكتور نساء يارب رحمتك شو اللي بيحصل لي وبعدين اتصلو بواحد من قرايبيني مشان ياخدني عالدكتور بمدينة قريبة والمسافة كانت 350 كلم وبدا معي الوجع صرت اتوجع واتوجع في الطريق بقول خلاص راح اموت وحسيت بشيء تقيل بينزل مني لا ياربي مايكون طفلي وكان جنيني وضنى قلبي وفرحتي وحلمي كلو نزل مني وانا بموت من البكي وبنادي ابني ياربي بدي ابني بس كان اللي كان ولما وصلنا المستشفى قلي الدكتور العوض بسلامتك وانا مو مصدقة معقول طفلي حبيبي راح معقول حبيبي اللي استنيتو راح بلحظة فضلت ببكي لحد ما نشف دموعي.وشفت شاشة السونار كاني بودعها .وزوجي المسكين ما كن عندو علم بس لما سمع بالخبر ايجا ركض لعندي وكان بعيد عني لانو كان مسافر بشغل وعمل حادث و تفشت لو السيارة ب3ونص الليل وهو بالطريق وظل بيصلح السيارة لحالو ومافي ولا حدا ساعدو ووصل عندي الساعة 5 الصبح وايجا وبكيت وبكيت لما شفتو وتذكرت قديش كان طاير من الفرحة وقديش كان يخطط لابنا بس كلشي راح ولما قال لي الحمد الله على سلامتك راح نعوضو ان شاء الله المهم انتي بخير انفجرت بالبكي وقالي هاي مشيئةرب العالمين لعله خير.وظل حدي طوال اليوم.
وبعدن رجعت لبيتي ونفسيتي زفت كرهت حماتي كرهت الناس كرهت كل شيء ..
يا بنات لا توثقو بالناس كثير لا تبينو فرحتكم بحملكم قدامهم لانو كلهم عين وحشة وحسد وما بيريدو لكم الخير اسمعو مني انا اتحطمت عالاخر وسبق وحذرتني عضوة اسمها سيوف هون قالت لي لا تقولي خبر حملك بس انا ما سمعت لها بس يا خسارة اتريها كانت عارفة بهالاشياء وانا من كثر فرحتي ما صبرت ونشرت خبر حملي وانا بتاسف منها كثير وبتمنى تعذرني
اللي تقرا موضوعي تدعيلي يعوضني ربي بالله عليكم مالي غيركم بها المصيبة
samara 2 @samara_2_1
محررة
يلزم عليك تسجيل الدخول أولًا لكتابة تعليق.
الصفحة الأخيرة
والحمد الله على سلامتك يارب,,,,