فقدت طفلي الاخير والحين خااااااااايفه افقد الثاني

كيفكم ابي احكيلكم اللي بنفسي ومضايقني انا حامل بنصف الشهر الثامن ومرعووبه من الولاده والله حالتي النفسيه مررررررره : 44:: 44:: 44: مااعرف اذا هالشي طبيعي او لاني مريت بتجارب في الولاده سيئه عندي خووف غريب تصدقون اني حتى ماجهزت نفسي ولا البيبي قلت لزوجي لما اولد روح انت وامي واشتروا الاغراض
انا بحملي الثاني ولدت بالثامن قيصريه لان الطفل التف الحبل السري عليه واختنق وظل بالمستشفى 15 يوم طبعا بعد مابهذلوني دخلت غرفة العمليات والرحم مفتوح 7 سم يعني جربت الم الطبيعي والقيصري عذااااااااااااااب
اما الثالث توفى الجنين ببطني كان ولد باول يوم من الشهر التاسع بسبب انفصال المشيمه
يالله ماانسى اول ماشفته بيد الممرضه كانه ملاااااك نايم بهدووء اخذته وحضنته مسحت بيدي على جبينه ودموعي على خدي وانا مبتسمه اني شفته جلست اكلمه وانا مو حاسه بنفسي والممرضه تقولي خلاص الله يعوضك خير يارب حبيبي كان قمر ويشبهني كثيييير بعدها اخذته الممرضه وحطته في السرير كنت وقتها انزف وموحاسه بنفسي الممرضات رايحين وجايين حولي وانا عيوني بس عليه كان كل همي اني احفظ ملامحه ماابغى انساها بعدها فقدت الو عي وصحيت وهم حاطينه في كيس لونه اصفر وحاملته الممرضه وطالعه من الغرفه حاولت اناديها بس ماقدرت اتكلم كنت جدا تعبانه


اعرف طووولت عليكم كثيير ومللتكم بحكايتي
لكن انا الحين فيني خووف مو طبيعي وقلق مايعلم فيه الى ربي
نسيت اقلكم انا الحين عندي مشكله بحملي ان المشيمه جزء منها يغطي عنق الرحم وهذا طبعا زاد خووفي
اللهم اني اسالك العفو والعافيه في الدنيا والاخره