اشتقت لعيوني اللي فقدتها...
اشتقت لحبيب قلبي..
اشتقت للي رعاني ...
اشتقت لسندي في هذه الدنيا..
اشتقت للي يحسدوني عليه البنات من شدة أفراطه في الاهتمام فيني..
كان ينتظرني حتى أركب باص الكلية..
هو من كان يوصلني للمدرسة لمدة 12 سنة...
عمره ما رفض لي طلب...
ما أفكر في أي مشوااار دام أبوي حبيبي موجود لا قبل زواجي ولا حتى بعده...
بتقولون كل الأباء يسون كذا ...أقولكم يمكن صح لو كان عنده بنت ولا بنتين...
بس تدروووون إن احنا 9 بنات وأبوي سوى مع كل وحده من خواتي الي سواه
معي...
ربانا أحسن تربية ...علمنا أحسن تعليم..عيشنا أحسن عيشة ...صديقاتي كانوا يحسدوني عليه ..
رمضان اللي فات رااااااااااح الغالي ...
راح عمود البيت...راااااااااااح سندنا .....
اشتقت لك يا أبوي...والله اشتقت لك ...ضحكك وسوالفك ,,,وصاياك ....
كل شئ فيك وحشني...يا الله إنك تلهمنا الصبر والسلوان...
البيت ما له طعم بغيابك يالغالي...أحس إني ضايعة لا جيت عند أهلي بدونك...
مكانك بغرفتك ما تغير ... طاولتك اللي عليها الشاهي فقدتك ... نظراتك...
جواااالك.... تدري رقمك للحين عندي ومستحيل امسحه..يالغالي
إذا هذا شعوري أنا اللي عشت معه 24 سنة ...شتقول أمي اللي عاشت معه العمر
كله...الله يصبر قلبك يا يماه ويخليك لي ولخواتي ..أنتي عيني الباقية لي الله
يحفظك لنا
الحمدالله على كل حال...
هذا حال الدنيا...وكلنا ماشين بهالدرب...
عسى منزلك يا أبوي روضة من رياض الجنة ...اللهم ءامين
قالها الرسول عليه افضل الصلاة و السلام من عال جارتين حتى تبلغا كنت أنا وهو كهاتين..
وأنت ربيت 9 أحسن تربية ...عساك تلقاه عند رب العباد يالغالي...
جعلك بالفردوس يا أبوي ...جعلك بالفردوس...
الله يرحمك ويغفر لك ...ويوسع مدخلك ...
..ابشر يا أبوي ..ابشر بالدعاء ليل نهار...ابشر بالصدقة ...ابشر بالأعمال
الصالحة ..لعلنا نلحق جزاك وما أظننا بنوفيه يالغالي...
و بالأخير ما اقدر أقول:
يا قبر أعز إنسان غالي رقد فيك خفف عليه من التراب الثقيلي
ياقبر ما ني طيب عقب راعيك اللي رعاني صار عندك نزيلي
أغليك أنا ا قبر من حب غاليك مرحوم يا راعي الوفا والجميلي
يا اللي سكنت القبر صوتي يناديك موتك جرح قلبي وهديت حيلي
ما أرتاح والله لين قبري يوازيك واعلن من الدنيا العريضة رحيلي
يبكي عليك البيت من عرض أهاليك ليا دخلت البيت دمعي يسيلي
زوجة فهد @zog_fhd
محررة
هذا الموضوع مغلق.
بــرد ودفــا
•
الله يرحمه ويسكنه الفردوس الاعلى من الجنه
اللهم اربط على قلبها
ويسر أمرها
أختي
حتى أنا فقدت أمي الله يرحمها
والله مالنا إلا الصبر
ويسر أمرها
أختي
حتى أنا فقدت أمي الله يرحمها
والله مالنا إلا الصبر
الصفحة الأخيرة