السلام عليكم
هي مجرد فضفضه وحبيت افضفض لان الكلام بقلبي ولاعندي احد اتكلم معه او احد ينصحني انا متزوجه من سنه ونص طبعا اي بنت قبل الزواج كانت تحلم يكون زوجها وشريك حياتها كل شي ونصها الثاني ويكونون شخص واحد بس للاسف انصدمت اني اعيش حياة زوجيه تقليديه تافهه ومشاكل مع زوجي واهانه والاحترام والثقه معدومه بعلاقتنا ومايبني اتدخل لابحياته ولابقرراته ولا اي شي يسويه بدايه الزواج كان تصرفاته فيها اشياء كويسه وكل مامر شهر انقلب الرجال مراه يصير حنون ويسوي اشياء تفرحني كتته يكفر عن ذنب ثم يقابلها بتصرفات تطلع روحي لين وصل مرحله لامصروف لاطلعه لاكلمه حلوه سب شتم اهانه رفعت يد حتى عينه مايحطها بعيني ولايبي يتحمل مسوليتي لو اطيح تعبانه تافف مني وطلع برى البيت وقال لخوه يوديني للمستشفى والله مهما اتعب عشانه يحسسني اني ولاشي لو اقول اني عايشه زي الجاريه عنده ماكذب عليكم بس كنت اقول هذا زوجي بتحمل وكنت موظفه واشغل نفسي ووراتبي ضعيف نصه ياخذه سواق التوصيل ونصه يروح للقرض الي اخذه باسمي لين عجزت اني اكمل دوامي واستقلت وجاء يوك كنت احس بتعب فضيع وجيت انسدح وبدت اسطوانه السب والاهانه صرت ابكي واقول طلقني اذا انا مو ماليه عينك مد يده وضربني واحس قدرتي على التحمل وصلت صفر ورحت لاهلي كنت طول هالسنه والنص يضغط علي بموضوع الحمل وكنت نفسي احمل بس عشان اسعده واخذ الحبوب والمنشطات ولعبت بنفسيتي بس عشانه وكل شهر يمر ومايصير حمل احس اني منهاره بالنهايه طلبت الطلاق وانا ببيت اهلي بعدها عرفت اني حامل وانبسطت كثير ورحت قلتله ومانبسط ولا اهتم ولابارك تحطمت زياده وصرت ادق واحاول اصلح الي بينا وهو كان كل مكالمه او رساله يتطنز ويكلمني باسلوب زباله واتحمل عشان الي ببطني واقول مابي اعيش الي ببطني حياه امه بمكان وابوه بمكان كنت ابيه معي وجنبي فتره الحمل واحس بحبه كنت ابي نشتري الاغراض سواء ونفرح فيه سواء وكنت اترجاه يجي معي للمواعيد ويرفض مره طلب يشوفني بحجه انه مشتاق وافقت على طول قلت تعال خذني طبعا انا ساكنه مع اهله رفض وقال ابي اشوفك بمكان ناخذ راحتنا وطلب يشوفني ببيت اهلي الثاني الفاضي وافقت وانبسطت وقلت خلاص تصالحنا وكل الي جابه رغباته الشخصيه ونام عندي يوم بعدها جاني تعب وصار عندي حمل خارج الرحم وداخل الرحم وكلمته عشان يجي يوقع اوراق المستشفى للاكن للاسف قالي خلي اهلك يخلصون امورك وتركني اعاني الفقد والوحده والالم لحالي ليالي بالمستشفى ابكى حرقه على تخليه عني كنت بالليل امشي باسياب المستشفى احس بضياع وقلبي محروق والايام تمر ماكان يسال عني ولا اتصل وسويت العمليه كنت اقول كل يوم بيجي لو اسمع صوت رجال بالقسم افكر انه هو احد يوم خروجي حسيت بخذلع كبيره عقبها اقتنعت انه انسان مايستاهلني بعد فتره دق ولارديت ثم ارسل اغراضي وملابسي مع ابوه لبيت اهلي لما الكل ينظرلك نظره شفقه والكل يقول شف زوجها وش سوى فيها وعيون اهلي لي قلبي يتقطع اكثر
الحمل الي كنت اتمناه صرت اكره ولامتحمسه لاي شي مهمت اشوفه بالسونار مايفزله قلبي مرات فكرت انزله واسوي اشياء بس ارجع باخذ لحظه انهار واقول ربي كاتبه ومابي اعترض على شي ربي كاتبه لي رغم ان الاطباء قالو انه يمكن العمليه الي سويناها تاثر على الي جوى وينزل بس هو للحين ببطني كسرت قلبي والالم مسويه حاجز بيني وبين اني احن او افرح بالي ببطني وشايله همه صح اهلي مايقصرون معي بس انا استحي اطلب من احد وهو مو راضي يعطيني ولا ريال حتى نهايه خدمتي يوم نزلت بحسابي قلت بتساعدني اشتري اغراض المولود سحبها البنك من سبب القرض الي خذه علي حاسه بضياع ووحده وخوف من بكره كل يوم يمر علي بالحمل وانا وحيده يقتل ادعولي ربي ييسر امري ويرزقني وربي ياخذ حقي وانصح كل ام اذا ولدك مو قد الزواج لاتخطبين له وتوهقين بنت الناس وانصح المتزوجات اذا زوجك يوقف معك بتعبك وخايف الله فيك لاتحزنين على اشياء تاففه
والي تخبرلي وظيفه بالخرج او بالجنوب الرياض تقولي
Haya zaid @haya_zaid
عضوة جديدة
يلزم عليك تسجيل الدخول أولًا لكتابة تعليق.
مايستاهل ولادمعه من عيونك يالغاليه ربي كتب لك الحمل بكرة يجي ولدك ويسليك وربي مع الأيام يرزقك وضيفه تصرفات منها عل نفسك وولدك ربي ماكتب لك كذا الا هو خير لك ........اتركي الدنيا وتوجهي لله صلى وادعي ربي رحيم مايترك عبادة ابدا لكن نحن نعصيه ويرجع ناوي الله يجمعني بك في جنات النعيممم
حسبي الله ونعم الوكيل
انقهرت عليك واللي زادني قهر انك مركبه نفسك قرض عشانه ؟!!
الحين ماينفع الندم ولا البكاء ولا الحزن
اللي حصل معك خذيه درس طول عمرك ماتنسينه انك ماتتنازلين عن حق من حقوقك كأمرأه وزوجه لان بعض التنازلات تسمى غباء تفتح باب الاستغلال من الطرف الثاني
والرجال اللي يمد يده على انثى ينقص من رجولته ويدل على سوء خلقه وعدم صلاحه كزوج ومن هنا لازم الزوجه تبدأ تحذر وتوقف تضحيات على الفاضي وتمنع الحمل
الحين لازم اهلك يوقفون معك وقفة رجال بوجه زوجك ويطلبون منه نفقه بالاجبار لانها من حقك شرعاً طالما انك حامل منه
وبالنسبه لقلبك واحاسيسك المرهفه واحلامك الورديه ارميها وراء ظهرك واستخدمي عقلك ثم عقلك ثم عقلك انتي في وضع يحتاج منك تواجهين بشجاعه وتوقفين على رجولك من جديد وتسندين نفسك وماتنتظرين ذكر يسندك
ولا تعيشين بأوهام ودراما من كلام الناس اللي مايودي ولا يجيب واستسلام لانها ماراح تنفعك بشي للاسف
والجنين رزق من الله احمديه واشكريه عليه ورب العالمين اللي بيعينك لكن انتي صفي قلبك وعلقي قلبك بالله فقط وانسي المخاليق
اتمنى ماتزعلين من كلامي لاني ابيك تصيرين قويه بالله فقط ولا تعلقين قلبك وحياتك بذكر مايستاهلك ولا يستاهل طهارة قلبك واحترامك
اسأل الله العظيم ان يشرح صدرك وييسر امرك وان يفرجها عليك من حيث لا تعلمين
انقهرت عليك واللي زادني قهر انك مركبه نفسك قرض عشانه ؟!!
الحين ماينفع الندم ولا البكاء ولا الحزن
اللي حصل معك خذيه درس طول عمرك ماتنسينه انك ماتتنازلين عن حق من حقوقك كأمرأه وزوجه لان بعض التنازلات تسمى غباء تفتح باب الاستغلال من الطرف الثاني
والرجال اللي يمد يده على انثى ينقص من رجولته ويدل على سوء خلقه وعدم صلاحه كزوج ومن هنا لازم الزوجه تبدأ تحذر وتوقف تضحيات على الفاضي وتمنع الحمل
الحين لازم اهلك يوقفون معك وقفة رجال بوجه زوجك ويطلبون منه نفقه بالاجبار لانها من حقك شرعاً طالما انك حامل منه
وبالنسبه لقلبك واحاسيسك المرهفه واحلامك الورديه ارميها وراء ظهرك واستخدمي عقلك ثم عقلك ثم عقلك انتي في وضع يحتاج منك تواجهين بشجاعه وتوقفين على رجولك من جديد وتسندين نفسك وماتنتظرين ذكر يسندك
ولا تعيشين بأوهام ودراما من كلام الناس اللي مايودي ولا يجيب واستسلام لانها ماراح تنفعك بشي للاسف
والجنين رزق من الله احمديه واشكريه عليه ورب العالمين اللي بيعينك لكن انتي صفي قلبك وعلقي قلبك بالله فقط وانسي المخاليق
اتمنى ماتزعلين من كلامي لاني ابيك تصيرين قويه بالله فقط ولا تعلقين قلبك وحياتك بذكر مايستاهلك ولا يستاهل طهارة قلبك واحترامك
اسأل الله العظيم ان يشرح صدرك وييسر امرك وان يفرجها عليك من حيث لا تعلمين
اصبري واحتسبي
لك رب اسمه الرازق
قلوب العباد بين اصبعين من اصابعه سبحانه يقلبها كيف شاء
فتوكلي عليه ومن توكل عاين كفاه ...
كفاه همه
كفاه رزقه
كفاه شر الاشرار
كفاه كل شي يضره
فعلى ما الحزن ،،؟
لك رب اسمه الرازق
قلوب العباد بين اصبعين من اصابعه سبحانه يقلبها كيف شاء
فتوكلي عليه ومن توكل عاين كفاه ...
كفاه همه
كفاه رزقه
كفاه شر الاشرار
كفاه كل شي يضره
فعلى ما الحزن ،،؟
abraar@
•
للأسف سكتي ع نفسك كثير وضحيتي لأنسان متجرد من الأحساس تجاهك
وللأسف صحيتي متأخره من نومتك وعرفتي انه مايستاهلك بعد ماطاح الفاس براس
بعد ماصار مولود جاي بطريق
شاف ضعفك وزاد تكبر وتغيان عليك
الله يفرج همك ويرزقك من فضله وتولدين بسلامه
ويقر عينك بشوفة مولودك
وللأسف صحيتي متأخره من نومتك وعرفتي انه مايستاهلك بعد ماطاح الفاس براس
بعد ماصار مولود جاي بطريق
شاف ضعفك وزاد تكبر وتغيان عليك
الله يفرج همك ويرزقك من فضله وتولدين بسلامه
ويقر عينك بشوفة مولودك
الصفحة الأخيرة
هالشخص مايستاهلك ولا يستاهل تضيقين صدرك عشانه .... عيشي حياتك وانتبهي لنفسك وللي ببطنك ربي يتمم عليك حملك وتقومين بالسلامة
انتي بالبداية غلطتي بسكوتك على إهاناته لك ومدة يده مفروض حطيتي له حد يوقف عنده ويحترمك
لكن الحين انسي الماضي ولا تفكرين فيه
والحمدلله اهلك كويسين معك مو ضدك