أختي أنا عندي بنت..
ويوم حملت ثاني مرة وقالت بنت.. ما أدري.. تلقائيا ًولا شعورياً قلت الحمد لله يا رب.. الحمد لله..
ما أدري ليش..
مع أن نفسي كانت تحادثني أني ودي بولد..
والحمد لله هيأت نفسية زوجي وكان متقبل.. وخالتي شوي ضاق صدرها لكن قالت يا الله معليش الحمد لله.. وأنا صراحة انبسطت لما فكرت.. قلت حلو تصير مثلي أنا وأختي.. صديقات..
الله يحفظهم..
وفعلاً.. والله حلو.. أشوف اللي تجيب بنت بعدين ولد ما ينسجمون كل واحد في عالم..

يوم ولدت حرصت أني ما أبين للناس ضيق صدري.. وزعت حلويات على الأطفال واهتميت بجهاز البنوتة.. والحمد لله..

والحين صاروا صديقات اسم الله عليهم يهبلون سوالف وخرابيط.. وحتى لو وحدة راحت عن أختها تنام في بيت خوالها أو جدتها يضيق صدر الثانية وتمل..

وسبحان الله الثانية بالذات أمووووووووووووت فيها الله يحفظها يا رب.. يا قلبي..
دمها خفيف وسوالفها تفطس ضحك..
حتى أبوها يحبها ويدور عليها.. خاصة أنها طالعة تشبههة نسخة كربون..
وما أعوضها بألف ولد الله يصلحها يا رب ويسلمها..


لكن أذكر وحدة من صديقاتي ضايقتني الله يهديها لما ولدت.. كانت والدة معي ببنتي الأولى..
يوم ولدت بالثانية كانت توها والدة قبلي بشهر جايبة ولد..
قامت اتصلت علي تبارك وتقول : هاه ما شاء الله صرتي أم البنات!
الحين توك كنت مثلي ما فرق بينا إلا شهر.. وش أم البنات؟ يعني أنتي خلاص طلعتي منها؟ وإلا هو سباق؟
الله يهديهم بعض الناس مزحهم ثقيل..

ونفس الشي أذكر عمتي الله يرحمها أول ما اتصلت تتحمد لي السلامة قالت ما شاء الله صرتي أم البنيات..
أذكر ضاق صدري بعد..
كأنه شي غريب..!

لكن بعدها صرت عادي أتقبل الموضوع..
لكن أنا عندي أهم شي ما تبينين للناس أنك مفجوعة على الولد..
زي بعضهم.. ادعوا لي أجيب ولد.. أو عسى ربي يرزقني بولد.. أو شنسوي ما رضا الولد يجي..
ولا تحسسين بناتك أنك تبين ولد أو فيه فرق بينهم وبينه أبددددداً..
وخبري الناس أن نوع جنينك بنت قبل لا تولدين هيئيهم للأمر علشان ما يستغربون إذا ولدتي.. أو يضيقون صدرك..
وعلى فكرة إذا قالوا بنت غالباً 90% يطلع صح.. سبحان الله.. حتى لو من الأشهر الأولى..
لكن إذا قالوا ولد ممكن يكون خطأ.. لأن الحبل السري يحوسهم..
هذا الكلام سمعته من كذا طبيبة وأخصائية أشعة..

وتدرين أنه من حسن فأل المرأة أن تبكر ببنت.. سبحان الله..
أنا الحين حامل وأحاول أقنع زوجي أحياناً أنها ممكن بنت علشان يتقبل وهو الحمد لله متفهم.. وما قلت لأي أحد عن جنس الجنين أريح...

انا الحمد لله جبت البنات وراء بعض وزعلت ولارضيت ما اقدر اغير ارادة ربي في كل مره اشكره واحمده والحمد لله الان الله رزقني بالولد الله يخلي لي هم جميعاً

الله يكون بالعون ...

انتي ياختي تو ما عندك الا بنتين في غيرك عندهم 7 و8 بنات والحمد لله مبسوطين.
بعدين لما تشوفين غيرك الي محرومه تحسين بالنعمه الي عندك

الحمد لله على نعمته اختي انا جبت بنتين الفاصل بينهم سنة وعشرة شهور والحمد لله اذا جبتي اثنين من نفس ا لجنس يكون احسن علشان يربون مع بعض ويصيروا اصحاب وانا بناتي كل من شافهم قال توم وبصراحة اريح شيء انا بنتي الصغيرة السنة رايحة للمدرسة وحاليا ما افكر بالحمل وانا وزوجي متفقين على هالشيء لكن لو جبت بنت وولد باقول يالله لازم نجيب للبنت اخت وللولد اخ وطبعا لازم بيصير فيه فارق بالسن مش زي لما يكونوا كل اثنين نفس الجنس والحمد لله انا ما عندي الا اخو واحد وست اخوات يطيرون العقل تعالي شوفي لمتنا مع بعض ولا احلى وترى البنت رحمة والولد نعمة وقد تتحول النعمة الى نقمة والنعمة يحاسب عليها الانسان فتربية الولد ليس بالشيء السهل وخير نساؤكم من ابتدأت وثنت بأنثى وياحلااااااااااهم البنات
واخيرا اتمنى لك تقومين بالسلامة وان برزقك طفلا معافى سواء بنت او ولد