انا بعدفي الشهر التاسع وموعد ولادتي 20-2 بس الحمد لله حملي هذا خفيف لكن مشكلتي الحموضه تاعبتني كثير وابي اعرف حركات الطفل تكون اقل في الشهر التاسع مو صحيح؟:24:

مشكورين بنات على التفاعل
وخصوصاً الاخت الي ردت علي عن السكري أشكرك من كل قلبي

آنة بنات موعد ولادتي 19 هالشهر الا هو 2 لكن لا حس ولا خبر
ما فيني شي أحس اني بكمل التاسع والعاشر كمان
هههههههههههههه
ياريت تعلموني الطلق اشلون ويعني شنو ؟؟؟؟؟؟؟

مو فاهمة آلام الطلق اشلون
؟؟؟ ياريت وحدة تخبرني


وترى سمعت انه موزين تشربين زعفران الا وقت الطلق اذا وصل وكان خفيف فالزعفران يزيده
اما قبل مو زين

السلام عليكم يا بنااات

انا موعد ولادتي غير معروف
و محتاسين فيني الدكاترة حسب صورة السكان
اللي تقوللي بــ 7-3 و اللي تقوللي بــ 21-3
و هو أصلا لو على حسبة آخر دورة يكون 27-2
لكن احس اني تقريبا في التاسع
و حاسة بضيقة نفس غير طبيعية
و ثقل غريب عجيب
مع ان وزني ما زاد كثير لكن احس بثقل و اني بنفجر قريبا
لسه اسوق و اتحرك و اخلص مشاويري بنفسي لكن مالي شدة على المشي
كل يوم انوي اني بطلع الكورنيش و امشي لكن اهون في آخر لحظة
حركة البيبي عندي لسه كثيرة
يعني احسه يتحرك بشكل مستمر مع اني اعرف انها تقل بالتاسع
اعاني من فقر الدم من بداية الحمل و مع كل تحليل تكتشف الدكتورة ان النسبة تقل و ما تزيد
و يمكن هذا يكون سبب ضيق التنفس و التعب من اي مجهود
وزن البيبي من اسبوعين كان قليل 1.8 كيلو
لكن شكله الحين كبر و ربرب

مستعجلة و نفسي اولد و اخلص بسرعة
لأني انتهيت من تجهيز كل شي
و مليت و ما عندي شي اسويه غير اني استنى الولادة كل يوم

الله يسهل علينا و عليكم
و يقومكم جميع سالمين

شكورة اختي وردة دبلانة بس الي أعرفه هذا

جان زين آخذه ويجيب لي الطلق لأني تعبت باقي لي أيام قليلة شسوي
ما فيني ريح
على الله
وآنة عن حركة البيبي عندي قليلة جداً
يوم يتحرك وايد بس عظامة أحس ينتفخ صوب وينزل صوب
ويوم ما أحس الا بحركة خفيفة

ادعي لي
وآنة موعدي 19 متى تنصحيني أشرب زعفران وردة ذبلانة؟؟
ومشكورة:26:

اما انا عاااااااااد موعود ولادتي

13_3 وربي خاااااايفه :29: وصايرررررررررررررررره ثقيله مرررررره:06: وكله احب النوووووم

كاني باول الحمل صايره مثل الكولا:21: واي مغص يجيني كل الناس تدري فيه من الخوف:31:


الله يهون علا جميع الحمل ويسهل ولادتهم ياربي