السلام عليكم
اليوم راح اقدم شي جديد ،،، مصدقه برنامج طبخ المهم الصور تتحدث وان شاء الله يعجبكم ولو انه شي بسيط بس حلو التغيير في كل شي
طبعا هذه مجموعه من اطباقي :
الربيان بالطريقه الصينيه مع شويه رز بالكشنه :
المقادير :
كيلو او نص كيلو ربيان طازج مقشر ومنظف
بصل واحد مقطع صغار مع حبه طماطه صغنونه
ربع فص ثوم مفروم
علبه وحده بازلاء خضرا وحبتين بطاطس مقطعه مربعات ومسلوقه نص سلقه
حبه ماجي مو ضروري
ملعقتين صويا صوص
ملح شويه مع شويه بهارات فلفل اسود وغيره
حبه فلفل بارد مقطع صغار
الطريقه :تضعين في قدر شويه زيت وتحمسين البصل والثوم والفلفل البارد والربيان والطماط ،،،بالعربي جميع ماسبق ذكره وتحركين واذا ناشف مررررره زيدي بياله مويه فقط ،،وتقدمينه وتزنينه بالكزبره ويقدم مع رز ابيض عادي وشويه كشنه وعلى فكره ماراح ياخذ منك وقت ربع ساعه بالكثير او اقل لان الربيان مايبيله كثير طبخ
الطبق الثاني " سلطه الربيان البارده "
المقادير :
ربع كيلو او اقل ربيان طازج مقشر منظف
ملعقه كتشب كبيره
ملعقه مايونيز كبيره
علبه زبادي
ملعقه كبيره سكر
عصير ليمونه وحده
ملعقه خل
خس مقطع صغار
خيار مقطع صغار
ملفوف وجزر مقطع صغار
الطريقه:
تسلق الربيان شويه عشر دقايق ويضاف لمويه السلق ملعقه خل عشان يروح الزفر ويكون لونه فاتح ثم نضع الخضار المقطعه ونخلطها مع الربيان او فوق الخضار على راحتك على حسب الشكل اللي انتي تبينه ثم يخلط الصوص الزبادي والكتشب المايونيز والليمون والسكر ويصب فوق السلطه وبالعافييييييييه على قلوبكم
اعذروني الصوره مو واضحه لانه تصوير جوال هذا الطبق "ربيان مشوي مع البطاط المشويه والصوص "
المقادير: كيلو ربيان راح يكفي شخصين فقط واذا ضيوفك كثيرين جيبي كيلوين طبعا طازج احسن ومنظف ومقشر
فص ثوم مفروم
فنجال زيت زيتون
ملعقه وحده ملح وبهارات سمك
ملعقه وحده كبيره من صوص الصويا
عصير ليمونه وحده بس
كزبره مفرومه لاتكثرين
الطريقه :
طبعا تضعين جميع ماسبق ذكره في طاسه كبيره او صحن عميق وتخلطينهم وتخلينهم في الثلاجه ساعتين او اكثر ولو تخلينها ليله كامله احسن عشان تتنقع بالصوص وتتشربه
ثم تحضرين الشوايه واذا ماعندك ممكن بمقلاه على النار بشويه زيت طبعا تصفين الربيان بالسيخ ثم تشوينهم وادهنيهم بالصوص عشان مايكون ناشف وبس ماراح ياخذ وقت طويل بالشوي وهاذي ميزة الربيان ،، وبالعافييييه
وقدميه مع بطاط مشويه بالفرن تكون مسلوقه نص سلقه مع شويه بهارات ومع الصوص حق السلطه نفس المقادير
وهنا مره سويته بس زودت سلطه الملفوف البارده مع بطاطس اسفه الصوره مو واضحه تصوير جوال
اتمنى تعجبكم اطباقي وخاصه للي يحبون الربيان ولاتنسوني من ردودكم الحلوه :27:
تسلم الايادي
ان شاء الله يستمر الحب للجامعة و الدكتوراه هههه
ذكرتيني باي ميل وصلني قبل ايام
ينصح اكل الروبيان مع الفيتامين سي
و قبل فترة على متن الخطوط النمساوية قدموا لنا سلطة روبيان مع برتقال
كان طعمها بشع ..بس كان روبيان مع فيتامين سي
و ما صار لنا شي !!!!!!!
دمتم بصحة و عافية
و الى المزيد من الابداع