السلام عليكم ورحمة الله وبركاته .. تحيه من مغتربه عائدة للوطن
خواتي حبيت يكون هالموضوع سبشل خاص للي فقط بيرجعون ديرتهم
في الصيف الجاي ان الله كتب لنا عمر
كلكم عارفين ان باقي يمكن 6-7 شهور وتجي الصيفيه ...
هدفي من الموضوع عدم التهاون لآخر فرصه ونجي بعدها نقول خسارة
وياليت وياليت وياليت اذا انتم زيي دايم مشاكل على اخر لحظة
سواء في عيد او سفر او حتى امتحانات
لذلك خلونا على بركه الواحد الأحد نتناول الأمور التاليه :
*العفش كيف بنبيعه _ ومتى _ وايش بنشحن وايش بنخلي ........الخ
* الهدايا
وش بتكون _ ولمين _ ومن وين ................الخ * اطفالك اذا كان لديك
وش بتجهزين لهم من اغراض اثناء السفر وقبل واثناء الوصل يشمل ( مأكل _ ملبس _ العاب .....الخ
* نفسك
وهي لأهم وش الشئ اللي حريصه تاخذينه معاتس :D من مكياج _ ادوات عنايه للبشرة _ عطور _ مواعين _ مفارش _ ملابس .......الخ
* وش الأشياء اللي لازم نبدأها من الحين
يعني نقضي مثلا او نهتم بشعورنا وبشرة وحتى حميه لو حابين
خلاصه القول نتطرق لكل شئ
والمطلوب الحين التسجل منكم خل احصي كم وحدة راجعه بالصيف
وبعد كذا نسوي قروب مرح
ان شاء الله وراح اكتب اللي ناويه
عليه رغم بساطته الا انه مفيد
ايه نسيت اقول ان الموضوع يشمل
مغتربات اميركا الشماليه
وصدقوني يابنات الموضوع راح يفيدنا كثير
وعندي امل كبير اننا سوف ننجح بعد رضاء الله ..
واكيد رجلس بيقول لك انتي كذا
دعواتكم : ليونه
ومن اللحين ان شاء الله بعزل كل شهر مية دولار للهدايا لكل اهلي وقرابيني واكيد ببدا باهلي واخواني طبعا واهل زوجي بعدين البقيه .........
الحديث يطول بس ان شاء الله يتفاعلوا البنات ويعلمونا من خبرتهم .
طبعا رجعتي للوطن ماهي نهائيه لان زوجي توه بادي دراسه بس بيكون لنا سنه ما نزلنا البلد وعلشان كده ناويه اشتري للقاريب هدايا رمزيه معبره .