عجبني الرد

اعجبتني الردود اليوم:icon35:
معني الاولى
بس اتوقع العيب الووووحيد هو الزوج العدل

لازم كل من يتزوج من عند الشيخ فالمحكمه امررر مهم وشرط
لها مصروف ينزل لزوجته واولادها كل شهر
والشيخ يحدد المشكله المصاريف

لكنه مو الحل الوحيد ، المعذرة لكن غريب تركيزك على التعدد وكان الزوج المعدد
فيه ميزة عن الارمل والمطلق !!!

ماعاد حنا بزمن البنت ترضى بالمعدد وهي مرتاحة ، حالات عدم العدل والظلم الي نشوفها
حواليننا اكبرمن اننا نتجاهلها ! والي تتجاهلها تاكلها على راسها غاليا ..

وحتى لو كان وضع التعدد سليم عندنا ، بديهيا ما راح ارفض مطلق او ارمل
اعيش معه لحالي واخذ لي شخص معه شريكة ! بالعقل يعني

اولا الزواج من معدد لاعيب ولا حرام
ثانيا فيه فرق فيه رجال يبون بس حريم وكل شوي يتزوجون وفيه رجال لهم اسبابهم للتعدد وغالبا يتزوج حرمتين فقط
انا مع التعدد للبنت في حالات اولا اذا الرجال كفؤ انها تضحي وتاخذ متزوج بمعنى رجل لديه قدره ماديه وجسديه وله كلمه على حريمه ورأي مستقل مو يسمع لهذي وهذيك وهلم جر من الألم له ولهم ..

نجي للبنت حسب ظروفها كم عمرها وضعها المادي والإجتماعي ووضعها في بيت أهلها وهل هي موظفه أو غير موظفه كيف وضع الخطاب معها فيه خطاب يجون ولا مافيه وإيش نوعية الخطاب اللي يجون نطيحه ومترديه ولا ناس كويسه وماإلى ذلك كل هالأشياء تحكم
مثلا لو كانت بنت جالسه ببيت أهلها مخلصه تعليمها ومو موظفه وخطابها بالقطاره ومن النطيحه والمترديه ومافيه راحه نفسيه ببيت أهلها او ماتحصل على حقوقها تقدم لها شاب متزوج كفؤ وموظف ومتعلم وله اسبابه في الزواج من ثانيه بترفضه ؟ طبعا لا الا اذا كانت غير متزنه بقراراتها

مثلا موظفه متغربه بديرة غير ديرة أهلها وتأخر نقلها وعمرها يركض عاشت سنين بغربه ووحده جايينها خطاب نطيحه ومترديه وجاها متزوج فيه كل الصفات اللي تحلم فيها الا انه متزوج وله اسبابه في الزواج ورجل كفؤ بترفضه ؟ طبعا لا الا اذا كانت غير متزنه بقرارتها

مطلقه او أرمله (ووممكن تكون وحده منكم يابنات حواء المتزوجات اللي شانين حمله على التعدد والزوجه الثانيه في يوم من الأيام مافيه أحد ضامن الزمن ولا الظروف كل شئ بيد الله ) تحتاج بيت يسترها من أذى المجتمع وتحتاج زوج يقوم بها ألا تقبل بمعدد ؟

لااحد تجي وتقول تقدر تعيش حياتها بدون زوج هذي كذب مخالفة للواقع مجتمعنا مايتقبل الحرمه الا بالزواج ..

كل وحده ولها ظروفها لها شخصيتها لها حاجتها من القبول بشخص متزوج ولايوجد معيار للحكم على انه زواج فاشل او ناجح الفشل موجود سواء تزوجت معدد او اعزب والنجاح موجود ايضا


الايجابيات والسلبيات ايضا ترجع للرجل بالدرجه الأولى وشخصيته ثم للفتاه وشخصيتها اذا كان الرجل عادل يخاف الله قائم بواجباته مع زوجاته لااعتتقد سيكون هناك سلبيات اما اذا كان العكس ستكثر السلبيات يعني المعيار الاكبر للحكم حسب شخصية الرجل ..
ايضا الفتاه اذا كانت راعية مشاكل وتحب تتملك وراعية غيره وماتتقبل وجود اخرين بحياتها بصدر رحب راح تكثر السلبيات

اللي بتقبل بمعدد له اسباب لازم تكون انسانه عاقله وتدخل حياه هالأسره بإحترام وتتقبل الوضع كما هو ولاتسعى للإنفراد والتملك وتشتيت الأسر والأبناء ..

بالنسبة لي لست متزوجه وموظفه وتقدم لي متزوج فيه كل الصفات اللي احلم فيها بفارس الأحلام وسنه صغير وعنده اسبابه للزواج ومع الأسف رفضته لأني اخذت بأراء زوجات اوليات لايحكمون الا من وجهة نظرهم وخوفهم على ازواجهم يتقدمون لي كثير لما كنت بالجامعه فيهم الزين والشين ماصار نصيب ومع الاسف الحين ماصار يجي الا النطيحه والمترديه عزاب ايه بس وش بيفيدني او ايش بتضيف لحياتي عزوبيته اذا كان ماعنده مقومات لا والله اقبل بمتزوج كفو ومقتدر وبيقوم فيني ولا اعزب مو داري عني ..

عرفتي عزيزتي يعني مافيه معيار ثابت تقدرين تحكمين منه كلن بيقول لك حسب ماتشوف عينه والمسأله بالنهايه قناااااااااااااااعه بالواقع متى ماتوفرت هالقناعه خلاص احتوينا السلبيات مافيه قناعه بتظل الوحده تعيش بدوامة..

^
وكيف ضامنة ان المتزوج كفو وبيقوم فيك ؟
لا العازب ولا المتزوج بتعرفين كيف بيعاملك بالضبط بعد الزواج !!

طالما كلهم ما تعرفين وش وضعهم بعد الزواج بديهيا العازب (سواء الي ماسبق له الزواج
او المطلق او الارمل ) يكون افضل من المعدد بمراحل ..