فقط يا ( أمهات) تعالوا واسوني.. ضايق صدري من التكشف:(

السلام عليكم ورحمة الله وبركاته..


حيا الله بنات حواء


كيف الحال وكيف رمضان معكم؟؟

يارب تقبل من الجميع


أبي استشير الامهات اللي سبق لهم الولادة بشي مرررة مأرقني:(


أنا مغتربة في أمريكا..

وحامل في الثامن ياربي لك الحمد والشكر


وأنا بكرية.. سبق لي التسقيط يارب يتمم لي على خير


طبعا ما احس اني خايفة من الولادة ذاك الزود على كثر مني خايفة من التكشف:09:


كل ما فكرت بهذا ضاق صدري مرة مرة مرة مرة مرة


طبعا انا وش اقصد بالتكشف

اول شي طبعا انا ما عندي الا زوجي هنا


وسألت وحدة من البنات اللي ولدن هنا

تقول اول ما تدخلين المستشفى يعطونك لبس تلبسينه


هذا اللبس زي الروب المقلوب

وتلبسينه بدون ملابس داخلية

يعني من ورا بس خيوط مربوطة وطبعا مو متستر مره:09:


طيب نبلعها الى هنا


طيب اذا جت دكتورة او ممرضه تقيس الطلق وانا مو لابسه الا هذا

ياااربي مرررررة ضايق صدري يعني بتشوف كل شي!!!!


والمشكلة العويصة ان زوجي رح يكون معي


مرة متفشله منه

يعني بيقعد يناظر والممرضات يناظروني


لا واللي زاد الطين بله


انه مثلا لو بغيت ابرة ظهر.. ما يسويها الا رجال


يعني تخيلوا اكون محجبة وظهري طالع !!!


لا والابرة اسفل الظهر وانا مو لابسه ملابس داخلية


يعني كل شي طااالع

لا وكل هذا على مرئ زوجي

مرة مرة متفشلة وشايله هم


بنات انا سبق اني حملت وسقطت يوم كنت بالسعودية

ياربي تمم علي هالحمل

تخيلوا والله اني بالموووت خليت الدكتورة تكشف على داخلي عشان تتأكد من نظافة الرحم بعد التسقيط


و وجهي كااان ألوان


وطبعا ولاقلت لزوجي اي شي عن الكشف



ياربي والله مرررة ضايق صدري ما ودي اتكشف ابد


وعاد هنا بامريكا مارح يصير هم الدكتورة او الرجال اللي بيعطي البنج او الممرضة انهم يغطوني او يسترون علي قدر المستطاع


أحس اني بتكشف على اشياء ما تستاهل

لان هم ما عندهم اي مشكلة انه كلن يناظرهم


وبعد وقت الولادة !!


بإذن الله انها حرمة اللي بتولدني


بس ضااايق صدري يعني بكون معها ممرضات وكلن داخل طالع يشوفني:44:


بنات ادري ان كل الحريم يصير لهم كذا


بس مدري ليييش شايله هم:44:




و وجود زوجي مسببلي ضيقة مو طبيعية مرررة مستحية انه يشوف ناااس يناظروني

وممرضات يكشفون علي وبلاوي متلتله


ودي اقول لزوجي مايدخل معي اي مكان بس متردده أخاف اكون لحالي عند هالكفار


يااا لله ياليت اميمتي بس عندي



بنات واسوني وعلموني..

والله انه ضايق صدري مررررررررررررررررررررة


حتى مرات افكر ان العملية القيصرية احسن ما ادري عن شي


همن استغفر ربي اكيييد الطبيعي اللي من ربي افضل


هل انا مكبرة الموضوع ؟؟ والموضوع مو لهالدرجة من الاحراج؟؟ والا وش السالفة:09:


يارب سترك بالدنيا والآخرة


:44::44:
:44:


.
.
.