فكرة ..او تجربة لحياة اسرية و تربوية ناجحة ..اطرحيها هنا للفايدة 🌺

موضوع جميل جداً ونحتاج لمثل هذي المواضيع في هالقسم


امممممم في التربيه الحمدالله الكل يمدح من تربية أولادي من هم صغار كنت احفظهم القران واحفظهم الاذكار الصباح والمساء والنوم ودخول الحمام ربيتهم على اشياء كثيره بفضل الله وعلمتهم ان الله ربنا ورازقنا وهو موجود فوق السماء اذا تبون اي شي ادعوا الله واطلبوه والله يحقق مرادكم لاتمدون يدكم لأحد اي شي تبونه اطلبوه من الله فصاروا يدعون دائماً لو يبون اي شي بسيط حتى لو حلاوه وبعدين اوفرها لهم اقولهم دعيتوا الله والله رزقني فلوس وجبتها لكم


عودتهم على مراقبة الله يعني مو بس قدامي مؤدبين وماتغلطون لا حتى من وراي لاتسوون شي خطأ لان الله يراقبكم ويشوفكم


عودتهم على الصلاه وحببتها فيهم والبر فيني وابوهم واذا صليتوا وساعدتوني وتطيعون كلامي الله يدخلكم الجنه وقلت لهم ان الجنه كبيره عرضها السماوات والارض فيها قصور وانهار وطعام وكل شي لازم تصلون وتعطون الفقير وتحفظون القران وتساعدون ماما الله يدخلكم الجنه احاول دائماً اربطهم بالاخره مااقولهم صلوا واعطيكم حلاو لا
اقول نصلي عشان الجنه عشان يصير هدفهم الاخره مو الدنيا ويتربون على كذا


عودتهم على مساعدتي يرتبون اغراضهم يساعدوني في البيت
ومع الدعاء وإعانة الله وبذل الاسباب وصلت للي ابيه واطمح للافضل ان شاء الله




انصح جداً بقراءة كتاب " هكذا رباني جدي " كتاب قيييييم في التربيه استفدت منه كثيييييييير الحمدالله




وجزاك الله خيرررر

سبحان الله

موضوع رائع وقيم اشكرك اخت نواافذ والاخت همه وإصرار ماشاء الله عليك جميله جدا طريقتك في تربية اولادك وان شاء الله اكون مثلك لأن طموحي مثل طموحك اربي عيالي على الدين والقرآن والصلاح جزاكم الله خير

موضوع جميل اخت نوااافذ كتبت وطار الرد
لي عوده وساعيد ماكتبت

ابني كان زمان مايكذب وكنا لو قال شيء نصدقه جت فتره بدا يكذب ويلصق اي تهمه باخوه يعني يعمل غلط ويقول اخي عمل هذا الشيء فكرت كيف اعالج الكذب اعطيته قصه قبل النوم انه في واحد كذب وطول انفه وراح المدرسه واصحابه جلسوا يضحكوا عليه وعرفوا انه كذب من انفه حسيه صدق وتاثر وصرت اعطيه الامان لما اسال من سوى هذا الشيء اقل له قول الصدق وانا مابسوي شيء فيقول انا فامدحه انه قال الصدق ... فالحمدلله بطل يكذب ...
وصرت كذه كل ليله اقصي له قصه تربويه ....