فكرة جديدة ان شاء الله تعجبكم :)

هلاااااااا بنات..اشحالكم؟؟ ان شاء الله تكونون بخير و بصحة و عافية...

انا يا بنات مشتركة بالمنتدى من زمان بس مشاركاتي وايــــــــــــــــــــــــد قليلة لاني ما اعرف اطبع بالعربي واخذ وقت طويل لين ما اطبع كلمتين :)
فسامحوني على التقصير...

بنات اليوم اتذكرت حركة واااايــــــــد حلوة سمعتها في برنامج اوبرا..فقلت خلني انفع بنات منتدااااااي..الحلو في الحركه تنفع حق كل حد يعني البنات و المتزوجات و خصوصا المتزوجات...بنات اتوقع هاي الحركة بتنفع المتزوجات اللي يستحون من ازواجهم>>>>>زي حلاتي :D

المهم نرجع للحركه...الحركة اسمها (صندوق الاماني) :39:

يعني يا بنات كل وحده تشتري صندوق صغير او تقدر تسوي واحد واتزينه بطريقتها الخاصه والمهم تكتبين عليه صندوق الاماني..عقب تتفقين انتي وريلج ان كل واحد يحط امنيه او اماني بس على شرط ان حبيب القلب يسويلج اياها او يساعدج على تحقيقها وانتي بالمقابل اتسوين نفس الشيء...

بصراحه انا لين الحين ما سويتها بس ناويه اسويها بداية السنة اليديدة يعني بكتب كل الاماني اللي اتمنها هاي السنة وبخلي هو بعد يكتب علشان اعرف شو هو يتمنى واحاول اساعده و هو نفس الشيء ..وانا ناوية احط الاماني في برواز للتذكير و انشوف شو اللي سويناه...:) وعقب ان شاء الله بحاول استخدمه كل شهر مره لتحسين العلاقة الزوجية نحو الافضل :icon28:

وممكن تستخدمون صندوق الاماني في لياليكم الرومانسية ويا عيالكم وحتى ويا شغالتكم.... :D >>>>> امزح..يعني اللي اقصده ان ينفع حق اي حد..يعني انتي و ابدعاتج :)

صدق يا بنات انا احس انها واااايد مفيدة يعني لو انتي خاطرج في شيء من اي ناحية و مستحيه منه تقدرين تكتيبنه من دون مستحى لان هو بعد بيشاركج بالموضوع يعني لازم هو بعد يكتب اي شيء في خاطرة واتوقع هاي الحركة بتساعد الزوجين على الصراحه...

انزين يا بنات اتمنى الحركه ما تكون مكرره وحتى لو كانت مكرره ابا اشوف تشجيع علشان ابهركم بمشاركتي المتميزه>>>>صدقت عمري :D

المهم يا بنات اتمنى من كل وحدة يعجبها الموضوع بان تدعو لي دعوة من خاطرها ان الله يرزقني بالذريه الصالحه ان شاء الله و يسخر لي زوجي و يجعله قرة عيني و يجعلني قرة عينه..