فكرة جديدة بالشرق الأوسط

السلام عليكم اخواتي

اول موضوع لي وان شاء الله يستفيد الكل.



للفائدة العامة ( دعوة صادقة بظهر الغيب).


هذي شركة بريطانيه توها تبدأ في السعوددية (على ما اعتقد برضو بالامارات وبعض الدول العربية) بس الي يهمنا هنا السعودية.


هذي الشركة طريقتها حلوة وانهم يبغوا يوقفو المنتجات المقلدة ويحاولون انهم يروجوا للمنتجات الاصلية بغرض تسويقها بالدول العربية وخصوصاً بالسعودية (عارفين ان دعوانا تقليد صيني ههههه)


هذي الشركة متعاقدة مع الماركات العالمية زي لورييل وبودي شوب واورفليم >> وبرضو جيليت للرجال وفيه شركات كثييييررررة مررره.


طريقتهم مررره حلوه انك تسجلين معاهم وتحطين بياناتك وبيانات بيتكم والبريد وهم عاد تجيهم عينات تجريبية من الشركات الي متعاقدة معها ويرسلونها لنا حنا كمستهلكين ونجربها لمدة اسبوع وبعدين ندخل موقعهم اونلاين ونجاوب على كم سؤال عن المنتج الي جربناه وبس وبكذا نصير اخذنا منتج اصلي من ماركات عالمية ببلاش.


ولما تجاوبين الاسئلة بالوقت المحدد منهم (بالموقع يقول انهم مدة اسبوعين من بعد التجربة) راح تكسب نجمة في حسابك وبكذا تصير انت من الاعضاء الموثوقين فيهم عشان فيه الماركات الكبييرررة مرره لما يرسلون حاجات غاليه او مهمه لهم ويبغون ناس يثقون فيهم راح يختارون الناس الي عندهم عدد محدد من النجوم.


بعد اذن الإدارة هذا رابط موقعهم

AOR


لما تفتحين الموقع راح تجيك خريطة العالم حطي الماوس على اسيا واضغط وراح تجيك الدول الاسيوية ومنها السعودية بالعربي وفيه انجلش اذا كنتي حابه انهم يتواصلو معاك بالانجليزي برضو.


لهم قروبات في كل محل لكن انا قريت في تويتر لموقعهم الرئيسي في بريطانيا انو الموقع العربي فتحوه قبل كم يوم وفيه منتجات مجانية لاول دفعة تسجل وبروضو ترا اللغه العربية في الموقع الحين مرره اغلاط وانها على قولتهم النسخة الاولى وانهم الان يشتغلو على التعريب النسخة الثانية (حنا وش علينا المهم الي يجي من وراهم).

برضو لما تسجلين تقدرين تسجلي لكل اهلك لانهم عندهم شركات حقات اغراض البيت دايما يطلبون عوائل وراح يرسلون منتجات منزلية يعني انتي سجلي لنفسك وبرضو تقدرين تضمين كل افراد العائلة.

قروباتهم في الفيس بوك:

ابحاث كليكس - السعودية

والانقليزي:

Clix Research - Saudi Arabia



تحياتي
Jooori