فكرة جديدة للإحتفال بيوم زواجك

ذكرى يوم زواجي كانت الاسبوع الماضي ، رتبت كل شي بروحي عشان أفاجأ بو نصووري ، طبعا قلتله إني مشغوله وايد بعرس اختي و ما عندي وقت أبدا ( كله كلك عشان ارتب كل شي بمزاجي ) ، ما احتجت إلا لفيزا كارد طبعا فيها رصيد :21:
وسويت كل شي و أنا قاعده مكاني.
1 - أول شي اتصلت في كيلوباترا سبا إللي في الوافي سنتر و طلبت منهم يطرشولي المنيو الخاص بالخدمات عن طريق الفاكس، بيطرشولج 9 أوراق فيها خدمات خاصة بالرياييل و باكجات خاصه مثل المساجات المتنوعة ، الحمامات،جلسات الاسترخاء ، تنظيف البشرة و هالشغلات ، طبعا موضحين السعر و مدة كل جلسة ، وتأكدت إن اللي يسوي هالشغلات ريال لأني أغار عليه:42:
2 - اختارت الخدمة اللي اباها و دفعتلهم عن طريق الكارد و طرشولي ظرف على شكل هديه فيها الخدمات اللي اخترتها ، وهذه الهديه صالحه للاستخدام لمدة 5 سنوات.
3 - حجزت في فندق يديد في دبي عن طريق النت في حجز مباشر لجميع فنادق دبي.
4 - خليت نصووري عند الوالدة لأن متعود يبات عندها.

تفاجأ بالترتيبات و الهديه ، وتلوم إنه ما خذلي هديه ، بس قلته لا تتلوم ولا شي ألحين خذلي إياها ( ما أفوت ولا فرصة في الهدايا ):42: