فكرة جميلة لحفظ النعمة فالمناسبات

السلام عليكم


مساكم الله بالخير والبركااات



الاسراف بالنعمة كثر هالايام وخاصة فالمناسبات
هذي فكرة جميلة ياليت فعلا لو تُطبق
لنشكرالله بحفظ النعم
فكرة اعجبتني 👍🌹
تقول احداهن
البارحه رحت لزواج بنت جيراني في فندق الهليتون
ماشاء الله الزواج جداً رائع كل شي فيه على متمه
اللي عجبني فيه اكثر شي الحركه اللي سوتها ام العروس ام محمد
انه على طاولات الأكل حاطه صحون القصدير الوسط حقة المطاعم اللي لها غطا وحاطه كرت صغير كاتبه فيه ساعدينا على توزيع باقي الطعام اغرفي بالصحن اللي امامك واعطيه لمحتاج عند خروجك من الزواج
والله ان الأكل مابقى فيه ولا شي كله انغرف تبارك الله
قلت لها يمكن يكون فاتحة خير والناس تمشي على طريقتك ياام محمد
قالت يابنتي لواعطيته الجمعيه ماراح يوزوعونه بهذه السرعه بيحطونه في فريزرات وغيره ووين لما يتوزع الا فايدته راحت لكن طريقتي الوحده تاخذ الصحن تعطي سواقها اوعمال البلديه اللي مالين الشوارع اوغيرهم هي تتصرف بصحنها...🍃🍃🍃
حتى لبيتها تاخذه لعيالها وغداها لبكرة عادي اهل الاول يوزعونه على الجيران غني او فقير .....المهم يؤكل ...
الفكرة اعجبتني جزاها الله خير
لذلك✋🌹 اجعلي من ضمن طلبات البوفيه لاي مناسبة صحون قصدير مع غطاها صغار والكبار علشان السلطات ماتختلط بالاكل والحلا حتى يؤكل نظيف
اجعليها من ضمن مصاريف المناسبة التي عندك لكن✋🍃 هذه سوف تعود لك بربح تجارة مع الله وتدفع عنك البلاء وهكذا تحفظ النعم .. .. فتزيد ولاتزول مثلما زالت عن غيرنا لان الله يمهل ولايهمل
🌹 يدا بيد 🌹نحمي انفسنا وبلادنا من الجوع والهلاك 🍃
من سن سنه حسنه فله أجرها أجر من عمل بها الى يوم القيامه
فكره جدا رائعة 👌🏻👌🏻👌🏻👌🏻