فكرة حلوة ..

السلام عليكم ورحمة الله وبركاته ..



اخباركم ؟؟



بنات .. انا بصراحة بطرح فكرة وحدة بس !!


الحين انا طرحت موضوع عن مبلغ وش اسوي فيه ؟؟ وكل الردود اللي تقول اشتري اكسسوار وبيعي واللي تقول جيبي آلة كافي وبيعي بالسوق ومادري ايش ..



افكاركم على العين والراس ...




لكن كلامي الآن للي عندها مبلغ وودها تتصرف فيه ..


اول شي راح تفكر فيه كيف بتضاعفه .. الاغلبية كذا ..



طيب ليش مانفكر اول شي بأننا حنا جانا هالمبلغ والرزق هذا ... ليه ماأقول انه في غيري مو لاقية تاكل.. ولا تلبس .. ولا تشرب .. ولاتعيش .. :44:


ليش ماأفكر اول شي باني اتصدق فيه .. طيب مو لازم كله ... ولا نصفه ...



اتصدق بالثلث فقط ...


واذا كنت متكاثرة الثلث من المبلغ اللي معي على ناس ماتلقى لقمتها ... وقسى قلبي عليهم ..


مو مشكلة ..



اتصدقي بالربع ..


والله يابنات يمكن هالصدقة هذي تكون سبب البركة في المال وتدفع بلاء وكل شئ ...



بس حنا غااافلين .. طبعا مو كلنا .. البعض .. وللأسف الاغلبية ...



قال الرسول صلى الله عليه وسلم :
1_ " داووا مرضاكم بالصدقة " .
2_ " ان الصدقة تطفئ غضب الرب وتدفع ميتة السوء " .
3_ " اتقوا النار ولو بشق تمرة "




يعني لهالدرجة انا منعمية عن الخيييييييييير اللي بيجيني هذا كله بمجرررد اني طلعت جزء بسيط من مالي ... ليش مسنغنية عن رضا ربي علي وطرحه البركة في مالي .. وييسر اموري ويشفيني ويعافيني ..




لما كنت اقرا المواضيع .. تمنيت اني القى فيه رد واحد بس تقول تصدقي فيه والا بنصفه او حتى عشرهـ .. اذا كنت متحسفة فيه ..






وبصراحة الصدقة عن تجربة ... لها فضل كبييييييييير ... الله المستعان ... الله يتوب علينا ..










ملاحظة / فكرة الصدقة .. انا أقصد المبالغ اللي تجينا مو الملابس القديمة والاغراض اللي حنا مستغنين عنهم .. قال تعالى " لن تنالوا البر حتى تنفقوا مما تحبون " ......








اتمنى من كل قلبي انه لو وحده استفادت من الموضوع ...



وكل التقدير للأفكار الثانية .. لكن كما قلت انه حبيت انبه بس ....








سلامي للجميع ..