دائما أفكر كثير في طريقه حلوة تساعدني في حفظ القرآن الكريم وتكون الطريقه ممتعه....
ومرة خطرت في بالي فكره....
أنا عندي جهاز صوتيات ام بي ثري أقدر أحمل عليه أي صوتيات أنا أبغاها....
فقلت ليش مااستغله ويكون عون لي على حفظ القرآن....
وخاصة إنه فيه ميزه جدا رائعه وهي انك تقدري تعملي خاصية الإعاده ويصير كل ما انتهت السورة يعيدها مره ثانيه وهكذا حتى تحفظي السورة....
الجهاز سعته جدا كبيره واللي عندي 30 قيقا....
ويكفي تحملي عليه القرآن كامل ويبقى عندك مساحه كاااااااااااااااااافيه لأي شيء آخر....
والحلو في هذا الجهاز ان حجمه صغير يدخل في الجيب ويحمل معاه سماعه للإذن وتقدري تسمعي القرآن وين ماكنتي حتى وانتي تشتغلي في البيت...
وهذي صورة الجهاز اللي عندي:
ويمكنك أيضا إضافة صور وفيديو عليه....
وكمان فيه إذاعه وتقويم ومميزات أخرى جدا رائعه.....
أنا فكرت الآن أحمل عليه جزء عمى لأنه فيه سور ماني حافظتها من آخر الجزء واذا خلصت حفظ الجزء أبدأ بالجزء اللي بعده.....
أنا فكرت أدخل دار لتحفيظ القرآن بس هذي السنه ظروفي ماتسمح.....
بخليها السنه الجايه مره وحده وندخل انا واختي سوا منها نشجع بعض ونسمع لبعض كمان....
وعسى الله يتمم علي بحفظ القرآن كامل ان شاء الله ويرزق كل مسلم حفظه وتلاوته على أكمل وجه....
الفكره مازالت قيد التنفيذ وفي حال نجحت راح أخبركم بالنتائج إن شاء الله.....
طموحي تتغير حياتي........