وياهلا ومرحب بكل من ينورنا بمرورها على صفحتي من عضوات وزوار
اليوم جبت لكم طريقة اعتمدها لما يكون غدانا برست وبقي منه صحن او صحنين اسوي منه شبيه الشاروما ===> ركزوا قلت شبيه مو نفسه ههههه
فتذكرت حبايبي الحوائيات وقلت يابنت تعوذي من ابليس واطردي الكسل وصوري لهم هالاختراع :biggrin:
وطبعا مثل ما قلت لكم في موضوعي السابق تبع الايدام البايت اني ما احب ارمي النعمة ولله الحمد احاول اجيب لها طريقة
نبدأ بسم الله :-
المقادير :- البروست مقطع بالطول - بطاطس مقلية - طماطم مقطعه - فلفل رومي مقطع - كزبرة - نعناع - ثوم تبع البرست - بصل شرايح - كاتشب - عصرة ليمون - شوية طحينه مذوبه بمويه
نخلط المكونات مع بعض ماعاد البطاطس ونضع شريحة جبنه شيدر ورشة سماق===> حسب الرغبة
واللي تبغا تضيف شي او تستغنى عن شي براحتكم لان الشغله كلها على الذوق..
المهم ندخلها الميكرويف 3 دقايق او اكثر على حسب سرعه تسخين الميكرويف لين نحس ان ريحتها طلعت أو ممكن على البوتجاز في صاج نحمرها شوي
وفي الاخير نحط فنجان زيت وسط الدجاج مع جمره ونغطيه تمااام
وبكذا انتهينا ونبدا نرص البطاطس مع خيار مخلل ونحشي الخبز
طبعا انا افضل الخبز اللبناني او الصامولي وندهنه مايونيز أو جبنه سائله او بلاش منها انا ما حطيت صراحة
ولفيه رول وتمتعي باحلى ساندوتش بنكهة غير وشغل نظيف بدل لخوصت البوفيهات
وبالهــــــــــــــنـــــــاء والعــــافـــــــــــــية