اخواتي جبت لكم طريقة بسيطه للإستفادة من اي إيدام زايد عندكم سوا كان خضار او صنف واحد او صنفين مو مشكلة
وبصراحه هالطريقة ريحتني كثيرررر لان الايدام كان يجلس عندي فترة في الثلاجه ومأحد له نفس فيه واخرتها ارميه وقلبي ينعصر ..
لكن بعد هالطريقة اللي اسويها صرت مستحيل ارميه وبناتي حبوا الطريقة كثير....
عارفه اني طولتها وهي قصيرة ....:smile:
الطريقة انك تسوي مرقوق بالايدام :-
* سخني الايدام اللي عندك مع اضافة شوي بهارات مطحونه وفلفل اسود وملح وشوي هيل وليمون اسود وعود قرفه ===> وممكن تستغني عن اللي ماتبغيه
* زيدي الايدام مويه حاره يعني يصير كانه مرقة بالخضار
* تكوني مجهزة العجينة ( دقيق بر + دقيق ابيض + ذرة ملح ) تعجن بالمويه حتى تصير عندنا عجينه متماسكه وسهلة الفرد ,, وتبدأي تفرديها
* وحطي العجينه بعد فردها وحده وحده يعني حطي الاولى على الايدام وافردي الثانية ثم حطيها حتى تخلص الكمية اللي عندك بس المهم نترك فترة بسيطة بين كل عجينه والثانية علشان لا تلتصق مع بعضها
* وبعد ماتخلصي من الكمية خلي القدر على نار هاااادئة ووخذي سكين او ملعقة وقطعي في المرقوق وهو في القدر وعلى حسب رغبتك تبغيه قطع كبيرة او صغيرة حتى يصير زي كذا
* وكل ما نشف زيديه مويه حاااارة حتى يستوي ..
وبـــــــــس قدميه بالعااااافية
طبعا يمكن البعض يتسائل وليه هالتخبيص فأقول علشان نكرم نعمة ربنا ومانرميها وانا متأكده ان اللي راح تجربها راح تعجبها هالطريقة
وفي الاخير دعواتكم لي بالولد الصاااااالح