فكرة راح تساعدنا في حياتنا اليومية

السلام عليكم و رحمة الله و بركاتة

اخباركم و كيف الصحة
بعد تلف الأعصاب من اسبوعين و حنا ننتظر
الف الف الف مبروك لأختنا
مس حلوة ( ترى ما عرفت اكتبة با الأنجليزي)
عاالثلاجة
و شايفه خيرها و يكفيك شرها

المهم موضوعي مهم كثير تداولناه في المنتدى و قسم حياة اسرية سعيدة مليان منه
بس جتني فكرة و بحثة عنها با المنتدى ولا لقيتله
قلت خليني اقولها و اشوف مين فكر مثلي
و يمكن جرب علشان نستفيد و نفيد

موضوعي عن نمط الشخصيات
طبعاً كلنا جربنا نمط الشخصيات على ازواجنا
و كيفية التعامل معهم
و انا اولكم
صراحة تغيرت حياتي كثير مع زوجي
و رجعنا مثل اول و احسن
و نتايجها كانت روعه

اللي فكرت فيه هذي المره
انو ليه ما نستفيد من نمط الشخصيات مع من حولنا
مع امهاتنا وابائنا و اخواننا
و اهل الزوج( للي تعاني منهم)
اتوقع انوا لها نتائج جيدة
لاننا جربناها مع الأزواج و نجحت

وش رايكن نجرب و نسدح التجارب هنا
و انا اولكم

انا شخصيتي جنوبية غربية
و امي شمالية شرقية
كنت البنت المطيعة اللي ما تخالف اوامرها
اذا شفتها محتاجة شي
اتنازل لها علشانها
بس مع هذا ما كنت راضيه عني
مرات اذا زعلت تجرحني و ترمي علي كلامي قاسي
و كنت ابكي و ما ارد
الين شفت الأنماط
و فكرت في شخصية امي
كانت تنظرلي اني وحدة ضعيفة و مسكينة
و انها تحاول تقويني با ها التصرفات
رفضي للمساعدة اللي كنت احاسبها راح ترضيها
كانت تشوفه غباء و اني احمل نفسي شي انا
مو مجبورو عليه
يعني ماكان عاجبها حالي
كانت تشوفني ضعيفة و الناس تقدر تضحك علي و تستغلني و تستغفلني
جربت اتصرف با الأسلوب الأمثل للشمالي الشرقي وهو
المطالبه با الحقوق
رفض الأشياء اللي مو مجبوره عليها
ان كان شغل او تحمل مسؤلية موضوع

اما اذا كانت عندي مسؤليات فكنت اتقنها و اتفنن فيها

صراحة تغيرت امي معي و صارت تحترمني اكثر
و صارت تجلس معي و تاخذ برايي بعد ما كانت ما تهتم و تسأل عني


وش رايكم با الموضوع
خلونا نتساعد علشان حياتنا مع احبابنا تكون افضل



و اللي تستفيد ابي منها دعوة ان الله يصلح احوالي و يعينني هلى ذكره و شكره


اترك لكم التعليق