فكرة روعه خاصه للطالبات واللي بالدوامات ومجالس النساء إلخ بتفيدكم صدقوني وتكسبون أجرر

السلام عليكم ورحمة الله وبركاته

كيف حالكم خواتي العزيزات :)

خلوني أخش ع الموضووووع على توووول!
المهمممم يا حلوااات
كلنا نلاحظ وممكن من التعود انا مانلاحظ :eek: كيف يكثر الحش=الغيبه والكلام على الناس بغيابهم
كثير منا من غيييييييير قصد
مثال
الطالبه في الدوام وسط زميلاتها
تكون الدكتورة مارة بسلام من قدامهم لالها ولاعليها ،،، بنت من الشله مقهورة من هالدكتورة لأي سبب وحتى لو كان سبب يقهر يقهر موووت:09: :: بنااات شوفوو شوفو الدكتورة الفلانيه مالت علييييها شوفيها لبسها كيييف وععع ماتعرف تلبس لابسه هاللبس من اسبوووع،، أففف كيف أتشاءم وينتحس يووومي يوم أقابلها من الصبح واليوم ماسويت زين بالامتحان من مقابلها وووو

مثال ثاني
توها هالشله راجعه من عند دكتور بعد ماطلعوا روحه وطلع روحهم فتلقون الفيوزات ضاربه والقرون فوق :30: ويبدن في الحش !! بنات شفتوووه كيف يتكلم ولاهامه ؟؟ أيييوه أكيد تراه الدكتور وشايف نفسه على وشّووو مالت عليه من حلاته إلخ

في مجلس الحريييم
أو بعدة جلسة حريم وبعد السواليف والضحك وكل وحده شاقه الضحكه من الشرق للغرب لخويتها اللي قربها(ترا مؤقت) بعديها عاد(بعد كل وحده ماتروح لبيتها كل وحده تبي تطلع حرتها وتعوض ضحكتها لخويتها اللي مو بلاااش!!!
يجلسون القرايب أو الأخوات مثلاً وتبدا الأخت لاختها تحش بفلانه وعلانه وهذي قالت وشفتي كيف كانت لابسه ماااعندها ذوووق وهذيج ماتعبرني ولاتحترمني لما قالتلي كذا وكذا وسمعتي آخر خبر شين عن فلانه!!!!و وووووو

بالأعرااااس حدّددددث ولااااااااحرج ولاتعلييييييييق عليه!!!!!!!!!!!


بنااااااات أدري والله مرااات من غير مانحس
تكونين غصب مقهورة من دكتور مثلاً فشفتيه مر قدامك وتبدا كل وحده من الشله تفش خلئها فيه وتطلع الأكو والماكو
أو لانا احنا الحريم نموووووووووووووووت إلا نبي نتكلم ونطلع الكليمات اللي تتقرقع بقليباتنا>>>حلوة ذي قليباتنا:hahaha:

فيه اكتشاف توصل انه المرأه لازم تتكلم باليوم 80 ألف كلمه؟؟؟صح بنات مثل ماسمعت؟؟
يعني اهي فيها طاااقه كبيييييرة وللأسف تستهلك أغلب هالطاقه بكلام فاااضي(وياليته فااضي بس اااه الا يجيب الذنوووووووب يا بنااااات :( من هالحش إلخ


وعاد بعد هالمقدمه الطويله العريضه أبي اقترح عليكم فكرة يا صاحبات الشلل بكل مكان سواء الدوام او المدرسه او الاعراس او حتى بينج وبين اختج!!!
أبيكم تسووون اختبااار يا بنات والله تنصدموووون(أكيد مو كلكم فديتكم)

الفكره اهي أني اباكم تنبهون كل وحده فيكم(حتى لو ثنتين من الشله) أنكم اذا طريتو=تكلمتو عن فلان أو علّان استووووب قولوووو بوجهها أستغفر الله العظيييم
واذا حاولت مرة ثانيه بأسلوب ثاني كمااان كرروهااا
بس بشررط عشان ماتكرهكم خخخ تكونوا منبهين عليها من قبل أنا خلاااص نبي نتوووب بسنااا ذنووووب
يا بنات والله اكتشفت انا ناخذ ذنوب كثيره من غييير مانحس تدرون كيف تأكدت؟؟
تكون سوالف حسبناها عاااديع بس مهما كان بشلتنا قررنا هالقرار: أي وحده تحش بواحد من الدكاتره أو أي إنسان لاسمح الله نقول في وجهها أستغفر الله العظيم
تصدقووووون أنا قلناها كثيييييييييييير وانصدمناااااا لانااا والله ماكنا نحس أنه كلام كثير منا كان حش مو كلام عادي! حتى لو كان شي بسيييييييط صدقوني ناخذ إثم عليه واحنا مو حاسييييين اه بس واهو احنا ناقصين ذنووب بهالدنيا :09:

وصدقوني الحين كل بنت من الشله تحاسب ألف مرة قبل لاتنطق بكلمه على أي إنسان
وماأقولكم انا خلاااص 100% تخلصنا من هالعاده السيئه لكنا بتقدم بعون الرحمن إن شاء الله ومع الرفقه الطيبه

من الطيبه اللي تبي تنشر هالفكرة ببيتها عند اهلها؟؟خواتها؟؟زميلاتها؟؟شلتها؟؟ تطبقها بمحيطها الصغير وتكبر شوي شوي ويعم الأجر والخيييير
هنا ماوقفنا عن أخذ الذنوب فقط لا بالعكس قمنا ناخذ أجر اكبر لما نذكر كل وحده منا بقول أستغفر الله العظيم

(((فقط قولي لأختك أو زميلتك ذكريني ياأختي ونبهيني اذا اغتبت إنسان بقولكِ لي أستغفر الله العظيم)
صدقوني راح تتفاجئون بالبدايه من اكتاشفكم الموجع بعديها شوي شوي راح تخفون كثير إن شاء الله
وبدل ماتفجرين هالطاقه بالحش إلخ
يااختي قعدي بين ايدين ربج استغفري ربج من ذنوبج تكلمي بحاجه طيبه سبحي هللي اذكري الرحمن صلي الأرحام وغيرها كثييييييييير بس لاتكسبين ذنوووب من هالغيبه :(


وأنقل لكم كلام يفيدني ويفيدكم إن شاء الله









أختكم اللي تحبكم في الله
مستحيل انسى ولكني سامحت!!!

حسيت اني استفدت من هالخطه اللي خبرتني عنها زميلتي ونطبقها حالياً إن شاء الله فحبيت غيري يستفيد

في النهايه لاتنسونا من صالح الدعاء فيعلم الله كم نحن بحاجته
والله يفكنا من كل عاده سيئه تحول بيننا وبين جنات النعيم
اللهم إنا نستغفرك من كل ذنب عظيم فاغفر لنا ذنوبنا وتب علينا إنك أنت التواب الرحيم
اللهم إنك عفو تحب العفو فاعفو عنااا وأعنا على هذه الدنيا الفانيه بما فيها من مطبات ومشاق
اللهم فرج هم كل مهموم وانصر كل مظلوم واهدي كل ظالم وأره نور الحق واهده اللهم قبل أن يفوت الأوان
اللهم احفظ لنا أهلينا وبارك في أمتنا وانصر أخواننا المسلمين في كل مكان
لا إله إلا أنت سبحانك إني كنت من الظالمين

نصيحة أخواتي أكثرووو من الإستغفار والصدقة فإن أثرها وأجرها عظيم بإذن الله
وسامحوني على القصور


أختكم
:26: