فكرة رومانسية و ناعمة

انا للاسف ما اسوي حركات بس ادخل علشان الي يحب يسوي اقدر افيده من خلال غيري :27:

الله يحفظ اولادي ... ليش حبيبتي ما تسوين ؟؟ ما تحبين تسوينها و لا مشغولة ؟

قرقوعه فكرتك حلوه وسهله
يعطيك العافيه
انا عني بصراحه اغلب الافكار اختها من خواتي بنات حواء الله يعطيهم العافيه
مثل كرت سغيرون تكتبين فيه كم كلمه حلوه وتحطينه داخل المخده عشان لما يحط راسه عالمخده يحس فيه ويقراه
وكمان مثلا قبل مايروح الدوام تكتبين بعد بطاقه تحطينها على الباب الخارجي لما يطلع يشوفها على الباب
لاني انا ماقوم معه بالصباح لانه يفطر بالدوام فتكونين مخليته على بالك حتى لوما قمتي معه
كمان دايم ابخر دولابه اني احط المجمر فيه العوده اللي يحبها وادخلها بدولابه واصكها واذا جا يلبسها يلاقي ريحتها عوده
او تحطين كمان كرت بالبوك حقه>>>>>>>ذبحتك بالكروت بس الله يعينك
وش تكتبين بالبوك؟؟
ليتني بوكك ياحبيبي اكون معك وين ماكنت
وكمان اذازوجك يحب الكمبيوتر تسوين له شاشات توقف فيها كلام حلو
وممكن اذا انتي تعرفين لبرنامج الفلاش تسوين له مقطع فلاش ترحبين فيه اذا دخل البيت
هذااللي براسي الحين
تحياتي لك
:26: :26: :26:

موضوعك مررررره حلو..
والحركه اللي حأشارك بيها مره سهله وأي زوجة تقدر تسويها ولا تكلف وأهم شيء ان اي زوج أكيد حيحبها..

وهذي اسويها لما اكون عارفه ان زوجي حيكون جاي تعبااان ومهدود حيله وماله خلق دلع..

أولاً : تغيير لحاف السرير بلحاف حلو وناعم ويكون هو يفضله وإضافة اكسسوارات هنا وهناك تكون موجوده عندي بس اغيرها كل فترة للتجديد مو أكثر .. وأكيييد تنظيف وترتيب الغرفه . "هو من النوع الدقيق واللي يكتشف اي تغيير يحصل"

ثانياً : أما تبخيرها بالبخور اللي يهوس أو وضع فواحه... وبعدها أولع شموع مناسبه مع لون الغرفه .. وتكون هي إضاء غرفة النوم...

وبعد ها اتجهز بمكياج ناعم ولبس البيت رقيق غير متكلف...


وقبل ما يجي أحضر له كوب عصير بارد إذا كان الجو حار .. أو كابتشينو ، قهوه عربي أي مشروب حار في البرد.. وأحطه في احب مكان يحب يجلس فيه..

وطبعاً أوفر له الجو الهاديء إما بإشغال الأطفال بغرفتهم أو انومهم بدري وأحضر له عشاء خفيف يحبه..شاورما بيتي .. أو بيتزا .. المهم شيء خفيف ما يكسفني ويقول تعبان مالي خلق آكل..

وأترك الموقف يتكلم..
بكل بساطه .. يشوف هالشيء أحلى من اي ليله متعوب عليها..ولأنه يكون محتاج لها..

أنا عارفه اني ما بدعت بس حبيت اشاركم بشيء واقعي ويحبه الأزواج بصفة عامه ..وهو الهدوء والترتيب والرائحه الجميله والاستقبال الطيب.. بعد يوم شاق..

وفكرة ترتيب ملابسه اللي قلتيها عجبتني كثير ..
بالنسبه لي احب احط في دروج ملابسي روائح معطره من ورد مجفف وغيرها أنتم عارفين طبعاً.. وكانت هالحركه تعجبه ويقولي اتعمد افتح ادراجك الخاصه واشمها لحلاوة ريحتها .. فسويت له مثلي وهالحركه كثييييير تعجبه بس نوعية روائح الرجال مختلفه..

أمممممممم صحيح هالحركه كمان..
الأيام اللي اكون طالعه بره البيت وعارفه انه حيرجع للبيت قبلي اكتب له بالروج على المرايه..كلمات خفيفه لطيفه..فلما يبدل ملابسه يقرأها.. وينتظرني بـشوووق..

لما يكون مسافر لو ليومين اصمم له بطاقه من الكومبيوتر وساعات اشتري من المكتبه واحطها في الشنطه وسط الملابس..

وكمان فيه حركه سويتها له وعجبته كثييير وهي اني حطيت في جواله منبه يومي وساعات اخليها كل كم يوم وكتبت فيها رساله حب مني له وكل كم يوم أغير الكلام والوقت ..بس أول مره سويتها له كان رايح للعمره من غيري.. وتأثر بيها ..بس لا تكثروا منها تصير ماسخه..
هذا اللي يحضرني حالياً..
مشكوره على الموضوع المنعش ..
واكيد لو افتكرت شيء حارجع لكم بيه..


بس لي طلب من بنات حواء اللي تستفيد من الأفكار تدعي لنا بأن الله يسخر لنا أزواجنا ويسخرنا لهم ويصلح لنا ذريبتناويوفقنا لكل ما يحبه ويرضاه ..
اللهم آمين..
في امان الله..

:26: :26: :24: