السلام عليكم ورحمة الله وبركاته
الله يسلمكم أنا متعودة وين ما أروح اشيل بشنطتي مناديل ديتول للحاجة
وقبل شهرين ثلاثة كنت أرتب شنطي وبالصدفة لقيت بوحدة من الشنط
علبة مناديل ديتول ناسيتها واللصقة تبعها شوي مفتوحة وكانت المناديل
جافة فقلت خلاص برميها
بس بعدها قلت خلني أفكر إذا ممكن استفيد منها ولا لأ وعلى طول جت
في بالي فكرة ، جربتها لفترة وطلعت روووعه
فقلت خلني أخبركم عنها يمكن تعجبكم
تعالوا معاي وشوفوا بالصور كيف استغليت هاذي المناديل في التعطير
والتعقيم
ماشاءالله ولاقوة إلا بالله
هاذي صورة مناديل ديتول (طبعاً مافيها ريحة الديتول لأنها جداً جافة)
استخدمت عطورات من هذا النوع رجالية ونسائية وعطورات مركزة
اللي تجي عينة للتجربة
اعتقد كثير منكم عندهم هالأنواع
للتعقيم ديتول غالباً استخدم الأزرق ريحته روووعه
أخذت منديل ورشيته بعطر نسائي بخاخ وكم نقطة من المركز وحطيته
بدرج ملابسي الداخلية
ونفس الشي لدرج زوجي
منديل ثاني رشيته عطر رجالي ودهن العود ولصقته بخزانة ثياب
زوجي
ونفس الطريقة لخزانة ملابسي
ملاحظة: المنديل يصير ورى الثياب بس أنا فرقتهم عشان تشوفونه
الحين المطبخ
رطبت منديل بديتول الأزرق وحطيته بالخزانة اللي تحت المغسلة
(المجلى)
وشوفي ريحة التعقيم كل مافتحتي الخزانة
الحمام
ورى الغسالة عندي حنفية مفتوحة على طول لتوصيل الماء للحمام
حطيت عليها منديل مرطب بديتول الأزرق
تحت المغسلة عندي مساحة بالأنبوب الموصل من الجدار للحنفية رطبت
منديل بديتول الأزرق وعلقته على الأنبوب
والحمام (وانتوا بكرامة) طول الوقت ريحته ديتول
ملاحظة:
* طبعاً بعد نجاح التجربة صرت أغير بالعطور كل مرة احط شي غير ونفس
الشي بالنسبة للديتول مرة احط العادي ومرة الأزرق
* بعد أسبوع أو عشرة أيام أشوف المناديل إذا جفوا ارطبهم بنفس الطريقة
وأرجعهم لمكانهم
* طبعاً الفكرة خطرت ببالي لأن عندي مناديل ديتول جافة بس إذا ماعندك
ممكن تستخدمين المناديل الرطبة بشرط تضيفي عليها المزيد من الديتول
أما إذا كنتي بتسخدمينها للتعطير فيفضل أنك تفرشين المناديل أو تعلقينها لفترة
عشان تجف وتروح منها ريحة الديتول وبعدين تستخدمينها
* إذا ماكنتي تستخدمين مناديل ديتول ممكن تستخدمين مناديل جونسون أو
مناديل اليد المرطبة أو مناديل الأطفال
هاذي فكرتي
وإن شاءالله تنال على استحسانكم
:)