الأخت العزيزه
اولا البنات لما كتبوا ردودهم عليك كان معاهم حق وانا مااشوفهم غلطوا ... يعني المفروض ان اي احد يكتب موضوع يوثقه بمصدر حتى لايشتبه الامر على الناس!
مو كفايه تقولين انا سمعت او قريت! كلنا نسمع ونقرا بس شي من غير مصدر ماينوثق فيه ! ومع احترامي النقطه اللي اثرتي جدال حولها غير مقبوله لان المتعارف عليه ان الشى هذا عادي عند الاغلبيه! وعمرنا ماسمعنا نقاش او جدل عن الموضوع هذا من قبل علماء الدين !

اتمنى ماتزعلين بس اسلوبك لما قلتي (اقل مني عقليه) مش حلو ابدا ويدل على عدم الثقه في رأيك وتفكيرك! بعدين انتي ماتعرفين البنت ولا عقليتها عشان تحكمين .. مو معنى انها اختلفت معاك بالرأي صارت اقل منك عقليه المفروض ان اختلاف وجهات النظر لايفسد للود قضيه بس اتوقع انك فهمتي كلام الاخت (بسطحيه) عشان كذا قلتي الكلام اللي قلتيه......... لو كنتي فعلا على بينه من الامر حطيلنا أدله من القرآن او السنه على النقطه اللي اثرتي جدل حولها(اعتقد رأيك الشخصي ليس إلا) حتى تتضح الصوره ... ولا تقولين قريت في كتاب او سمعت من شريط ,, على الاقل قوليلنا اسم الكتاب او الشريط عشان تنأكد !
بعدين بصراحه مو كل الاشرطه تنسمع او كل الكتب تنقرا ( اذا ماكان من عالم دين ثقه الافضل ترك الموضوع)


بعني لو على الاقل (توضحين) لنا (المنكر) في الموضوع عشان نفهم وجهة نظرك بصوره اوضح (يجوز في اشياء احنا غافلين عنها... !!!
وبعدين وش دخل الاخلاق والحياء .. الخ !!!
يعني الحين كل اللي انزفوا ماعندهم اخلاق وقليلات حيا !!
كلامك غريب !!
بصراحه موضوع الافتاء صار يخوف......مدري بكره ايش بيقولون لنا بعد
كل شي صاااااااااااار حرام
ياخوفي بكره يقولون الزواج بكبره حرام وأنه الوحده تقعد بتول في بيت اهلها افضل!!
الاصل في الامور (الاباحه) بس للأسف اللي صار العكس .... الاصل صار التحريم عند البعض!
(اجرئكم على الفتوى اجرئكم على النار) وانا مااتكلم عنك يااختي... اتكلم عن اللي سمعتيه في الشريط اذا كان يقول ان الموضوع هذا حرام .. يعني لو قالوا على الاقل انه غير مستحب او مكروه يجوز كنا تقبلنا الأمر بس انه حراااااااام !! هذي صارت طامه
(الحلال بين والحرام بين)





واتمنى ماتزعلين من كلامي وتفهمين المقصووووود وماتقولين اقل من عقليتك !
وشكرا


وبالنسبه للزفه
اولا مشكره اختى على مجهودك في النقل
بس الفكره مبااااااالغ فيها كثير وماعجبتني
انا افضل الزفه الكلاسيك

الله يطمنك ليلك .. انا وربي اول مرة اعرف
بحياتي ماسمعت انها حرام ..

أصلاً من غير فتوى ولا سؤال ..... ليه ماعندنا عقول ؟ .... ترى السؤال يكون في الأشياء الي ماوردت بالكتاب والسنة وأشكلت علينا .. الحلال بين والحرام بين !
الأولين وقبل مية سنة تنزف عندهم العروس ! إن ماكان العريس بعد !!! حتى جهازها ينزف :D
وبخصوص الأخت العزيزة فهي قاعدة تتكلم كأن الزفة جريمة أخلاقية !!
فما أقول إلا الله يكملنـا بعقولنا :)

بخصوص الفكرة ... هههههههههههههههههههههههههههههه .. وبس :)

كلمه اخيره وننهي الموضوع

انا ماقلت اللي قلت علشان تزعلون وكل وحده تدخل على طول للعزيزه تبي ترد وبس

المعروف ان العروس لما تنزف داخل القصر طبعا بيجي العريس ومعاه ابوه واحد اخوانه ولا كلهم بعد ويدخلون على النساء بحجه انهم زافين ولدهم والمعروف ان الاختلاط حراااام

((((( ولا فيها شي هذي بعد ))))))

وانا كل قصدي هذا كله

ولما قلت الحياء ماقلت ياختي (اللي ردت علي بالصفحه الرابعه نسيت من) ان ماعندها اخلاق ليش تبون تكبرون الموضوع وتزيدون النار ياخواتي اللي ودها بزفه وتدخل على النساء ويجي زوجها ياخذها الله يهنيها ويرزقها ويتمم لها بخير ويرزقها الذريه الصالحه كيفها تدخل

ترى انا ماحلفت عليكم ولا لي امر عليكم نصحتكم والله العظيم اني تبت ماعاد ودي انصح احد اذا كل وحده بتفهم كذا

نسيت موضوعي اللي تقول اني قلت ماعندها حياء اعوذبالله مأجرأكم علي انا ماقلت كذا انا اقول من طبيعة المراءه الحيا وبصراحه قليل اللي تتجرا تدخل على الحضور ماقلت ماعندها حياء وقليلة حيا حشاء لله ماقوله ولا اتكلم على بنات الناس بهالالفاظ هذي

وانا ماقلته الا لمصلحتكم وخلاص توبه عاشان اريحكم حتى قسم العروس ماراح ادخله مره ثانيه


الله يسامحكم وراي عرسي بالعطله وخوفتوني كنت محتاجه مشورتكم ومساعدتكم بس وعد مني ماراح تشوفون خشتي بعد تسذى :(

ملاحظه\\
اكيد بتقولون ليش مانزلت الفتوى اللي سمعتها انا ن قبل يومين احاول اتصل بمشايخ معروفين بس للاسف ماحد يرد انتظروا وان شاء الله ماراح يصير الا الخير

والله يوفق جميع بنات المسلمين ويصلحهن ويرزق اللي ما تزوجت بالزوج الصالح واللي تزوجت بالذريه الصالحه واللي عندها ذريه يصلحهم ويهديهم وترزقنا ويا جميع اخواتي المسلمات في المنتدى وخارجه الفردوس الاعلى قولو امين



ارجوا من المشرفات حذف ردودي كلها الا هذا لين يقرونه خواتي في الله

والله يسامحكم اذا كنتم فاهمين غلط ويسامحني اذا فهمتكم غلط


تحيااااااااتي

اختي العزيزة ... ولو لا تاخذين على خاطرك ... بس انتي اللي زودت النار حطب ...

ومن قالك ان العرايس يدخلون عرسانهم واهلهم الرجاجيل بعد؟؟؟

هنا صح ... نوقف ونقول لالالالالا والف لا ... مو على دخلة العروس ... لا طبعا ... ولكن على دخول الرجاجيل ...

وانتي ابدا ما وضحتي من البداية هالكلام ... انتي قلتي التشريعة اصلا حراااام ...
لو انك وضحتي من البداية ما كان صار اللي صار ...

وفقك الله اختي ... ولا تزعلين منا ... <=== احنا العرايس حساسات شوية ...