جينان.. :

اسمحيلي ترا انتي ساذجة والحب معمي عيونك وعايشة دور روميو وجولييت معاه هو متاكد انه لو يبيع ويشتري فيكي برضه بتلصقين فيه ومارح تتركينه ترا السالفة لا تحدي ولا يحزنون هو ناوي يتزوج وقال انصب عليها بهالكذبة وانتي اسمحيلي بكل غباء جاية هنا تسالينا ومصدقة كذبته وش هالزواج اللي رح يتم ببلاش والبيت واثاثة ووو وين ؟ كمان سبحان الله بدال ما ياخذ كبيرة او ارملة او مطلقة عمرها كبير و" يستر عليها " رايح مسوي مضحي وبيكسب أجر بيتزوج بنت صغيرة ؟ انتي شلون من كل عقلك مصدقة كلامه ؟ واسمحيلي الرجال اللي يعتبر بنات الناس لعبة وتحدي بينه وبين ربعه يتزوج بس عشان " لعبة " هذا واحد ما أمن نفسي عليه وفوقها يقول لك انتي رضيتي بـ 10 الالاف وسكتي على كلمته عادي ؟ بدال ماتمسحين فيه الارض وتنادين اهلك يهزئونه انهم سهلوا عليه وراعوا وضعه وانك صبرتي عليه وعلى فقره وعيبه جاي الحين يعايرك ؟ ويقول لك مثل مانتي رضيتي فيني برخيص بلقى غيرك بعد يرضى فيني برخيص ! وعلى فكرة طبيعي اللي يسويه تزوجتيه برخيص ولا تعب وصبرتي على كل ظروفه وانتي شغالة تحبيه وتدلعيه ووو مارح يقدرك لأنه ماتعب فيك اجل يبيعك على مية ألف ؟ ترا انتي بكل بساطة تقدرين تشتكين للقاضي انه عنده مشاكل بالانجاب وتطلقين فوراً لانه هذا عيب اساسي بدال مايستحي على نفسه ويحمد ربه ساكتة عنه يسوي كذا لو تركتيه يتزوج عليك بتكونين غبية ولو صدقتي نص كلمة من كلامة برضه بتكونين غبية تقولنيها بوجهه الكذب هذا مايمشي علي واذا انت تبي تنهيني من حياتك تسعى بهالتحدي واذا تبي تبيع بيتك وتهدمه مع ربعك خرابين البيوت فأنا ما أحس بالامان مع واحد يلعب ببنات الناس ويتزوج علشان " تحدي ولعبة " معع ربعه وبدور واحد يصونني ويصون بيتي ويقدر صبري على ظروفه وتعبه وعيوبه ! وكونك اخذتني 10 الالاف لاني كنت اظن فيك الخير وحبيتك لكن انت مصر تمحي هالحب بقلبي واستنقصتني وجاي الحين تعايرني بهالشيء وتقول بتلقى واحدة تتزوج برخيص مثل ما انا رضيت ؟ هذا جزاتي صبري عليك اذا انت مو قادر على بيت ولا قادر على شقة ولا قادر على العلاج بأي وجه حق بتروح تتزوج علي ؟ الرجال اللي مكفي بيته وانت مو مكفي بيتك ورايح تقول لي تحدي وربي ماستحيت تقول هالكلام ؟ لو أصر يناقشك ويتكلم تقولين له الكلام انتهى معي باقي الكلام مع أهلي هالزواجة مارح تتم وان سويتها بيكون اخر يوم بحياتك معي ولا عاد ترحمينه وترحمين ظروفه مليونين مرة نقول الرجال ان ماتعب واتعود على الحرمة انها تسكت وتصبر وفوقه تقدم كل الحب بيقول ماهي محتاجة لو محتاجة ماكان حبتني ودلعتني وهي ناقصها كثير اطلبي ولا تسكتي قوليله فلانة اللي تعرفها ماتت خلاص انت قتلتها بكلامك الحين بتشوف شي ثاني مني لا عاد تقصري على نفسك واطلبي وأصري وحطيه تحت الامر الواقع وخليه يدبر المصاريف لو بعد كل هذا برضه باعك فشوفي حياتك وانبسطي لانه مايستاهل

اسمحيلي ترا انتي ساذجة والحب معمي عيونك وعايشة دور روميو وجولييت معاه هو متاكد انه لو يبيع...