فكرة لطاولة طعام أرضية

السلام عليكم
بنات سويت غرفة الاكل بطريقة شوي مبتكرة
بس الالوان مره محيرتني وابيكم تساعدوني فيها ابي الغرفة تكون على بعضها
كلاسيك ومتناسقه

بقولكم الفكرة اللي سويتها وهي عبارة عن طاوله
ترتفع عن الارض بمقدار بسيط يعني زي الطبليه حقت الفلاحين
بس حقتي مستطيله وتكفي لعدد كبير من الناس
وكل شخص يتربع على (خدوديه) وهو ياكل عليها ,
اهل الحجاز ترى يستخدمونها لاشخاص قليلين
لكن الفكره حقتي للضيوف الكثار وان عليها خدوديات للجلوس
(وهذا اللي مخليها فكرة مبتكره )
ولو بتسّووون مثلي ترى مره كويس منها انها تكفي لضيوف اكثر من
الطاوله التقليديه وشكلها روعه وافخم
والاكل عليها صحي ومريح جدا

المهم عتقت الطاوله الخشبيه بلون بني غامق والجدار لونه معتق فاتح

لكن احترت في الستارة والموكيت وش احط الواااااانها مع العلم
ان اللوحات والكنسول والساعه
كلها اطاراتها بني في بني على ذهبي
فمابي كلش عاد نفس اللون يصير ماله داعي
ابي افتّح لون الغرفه شوي عالاقل وادخل الوان ثانيه
واحط عليها الوان فاتحه وحلوة وش رايكم وش اختار؟؟؟!!!!!!

(((( بليز تخيلو معاي اللي بينكتب)))))
7
7
7
هل اللون العنابي المخملي والبيج للستاره
والشيفون والهدب لون بني يطلع حلو

والموكيت يكون عنابي
هل لو يكون مفرش الطاوله بيج وعلى حدوده دانتيل بني
والخدوديات لون بيج على هدبات عنابي
يطلع حلو
وش رايكم يطلع حلو والا لااااااا

وهل لو حطيت بنشه مثل اللي (في موضوع الاخت الرائعه نيارة ) على زاويه
يطلع مناسب والا مش من قواعد الديكور ان اضع البنش في غرفة الطعام
مدري محتااااااااره مره يالله ابي همتكم ساعدوني

واسفه على الاطاله والتفصيل لكن كل ذلك لاني اريد منكم مساعدة حقيقيه
وان اخذ برايكم فقطططط وذوقكم الحلو


شاكرة لكم حسن تعاونكم <<< يعني افهموها ههههه





والسلام:time: