فكرة للأمهات

عزيزتي عندك طفل صغير يقوم في الليل يبغي يرضع الحليب و صدرك ما فيه حليب كفاية وإنت تعبانه ومب قادرة تقومين تسويله حليب...وفكرة عمل الرضعة قبل وتركها لين ما يصحا الطفل ويشربها فكرة غلط لأنا كلنا عارفين إن الحليب الصناعي لازم يتسوى وينعطا الطفل على طول وما ينترك لأنه يفسد ويضر الطفل....ولهذا عندي فكرة تريحك واااااايد.....

أول شي بتلقين في محلات الأطفال يبيعون علب مركبه على بعض 3 أو4 مع بعض وبألوان حلوه، حطي في كل علبة كمية الحليب اللي تكفي لرضعة وحدة بالملعقة بعدد الرضعات اللي يحتاجها ولدك أو بنتك... ok

ثانياً: تحتاجين لـمراضع حليب (زجاجة الحليب) بعد... بعدد الرضعات، وحطي فيهم ماي إلى النصف تقريبأ ً(ملاحظه يمكن وضع كمية الماء الكاملة اللي تكفي لرضعة).

ثالثاً: تحتاجين بعد لجهاز تسخين المراضع (وهو عبارة عن جهاز صغير يستوعب مرضعة وحدة، يشتغل على الكهربة، وله مفتاح تحكم بالحرارة، وينباع في محلات الأطفال بعد).....أسويلهم دعاية :21: :23:

المهم حطي الرضاعات وعلب الحليب و ماي بارد أو عادي والجهاز جنبك على الكوميدينه جنب السرير وحطي الماي فيه والرضاعة وخلي الحرارة عالية شوي إذا كانت كمية الماي اللي في الرضاعة النصف، ودافية إذا كانت كمية الماي كامله...OK
ولما يصحا الحبيب (أقصد الولد... مب اللي بالي بالك) :21: سويله الحليب وإنتِ في مكانك وبدون تعب وقومه من على الفراش ورضعي الولد وهني وعافية إنشا الله...
:27: :27: :27: :27: