فكرة !!! للي عندها شغالة أو ناوية تجيب !! شوفوا إيش قررت!!

مهى حبيبتي .. الظاهر انك حنونة بزيادة مع الشغالات .. المفروض انك تعطينها التعليمات اول ما توصل
انا احب كذا و كذا و كذا
و ما احب كذا و كذا و كذا

و عند اي تساهل منها و قفيها عند حدها ..
انا شخصيا من النوع اللي وايد طيب مع الشغالات
بس بعد ما انقرصت منهم صرت اتبع سياسة اني اكون شريرة مع الشغالة اول ما توصل لمدة اسبوعين
و ما اسكتلها على اي غلط
و بعد ما تحط في بالها ان مدام عصبية و تخاف مني
اقوم انا أهدي و ارجع لطبيعتي و بصراحة ارتحت من وجع الراس

ماشالله افلام بعد وليش خليتيها توصل لكذا انتى هدديها قولى انا ماجبتك تاكلين وتنامين وتفرجين على افلام انا اقدر اسوى كذا والله تسفرينها اريح لك من الضغط هذا
قولى لها اذا ماتعدلتى خلاص ادفعى حق المكتب وروحى او هدديها بالكتب واذا مانفع وديها لهم خليهم يهاوشونها ماصارت ذى واذا مانفع سفريها وارتاحى والله يعوضك بس اسألى شوفى يمكن ترو ح على حسابها ؟احسن يعنى لان هى اللى ماتبى اما قضيه انك ترجعين وتطبخين لها لااا والله هذى المصيبه هذى زوج مهيب شغاله انتى تجين تعبانه ودافعه فلوس عشان ترتاحين شوى بس بس شوى!!من تعب الداوم تجين تحشين لها كوسه!!!!!!!!!!اسمحى لى انتى عجيبه مره اذا ماعجبها الاكل تطبخ هى لاتخافين مهيب ميته جوع ابد تلقينها ماكله اللى وراكم واللى قدامكم وانتى لاهيه00وبعدين لو سفرتيها قبل تجيبين شغاله ثانيه فتشى البيت وخاصه الاشيا اللى هى ماتوقعت انك تجينها مخزن دوره مياه تحت مرتبه السرسر حقها جوا الدولاب بعضهم يكتبون على الباب نفسه 00وشيلى كل شى 0سوى مثلى مثلا انا لا عصبيه ولا شرسه ولااااا شى اصلا ماتسمع صوتى الا اذا جيت اطلب منها طلب وبهدوء بعد بس اول ماتجى قبل ترتاح اجيها بغرفتها واقول لها عن كل شى ابيه مهوب قصدى وشلون تنظف لا مهوب وقته بس اقول لها مثلا انها مالها حق تدخل البيت وزوجى فيه اذا جا تروح المطبخ او غرفتها واقول عن مواعيد التنظيف واقول لها متى النوم ومتى تصحى زى كذا وافتش اغراضها قدامها مع انى انحرج بس لازم واسال عن كل شى غريب مثلا القى ملابس مالها داعى بناطيل وكذا اقول هذا اذا رحتى انشالله 00اما لو شفت شى غريب مع انى ماشفت بسوى نفسى ماشفت وبشيله بعدين مثل لو يصير بودره او كذا 00وبعدين اذا لاتصيرين تسولفين معها على الطالعه والنازله تصير تمون عليك خليك رسمسه معها ومايمنع احيانا يجى موقف شى تضحكين معها تصير تفرح لانك ماعمرك سوالفتى معها وتحترمك وتهابك ولو يصير وتسوى غلط او تخرب شى بيصير مايحتاج تعصبين يكفى نظره منك تعبر انك زعلانه وبتصير تحس انها غلطت ومعد ترجع 00وبس هذا اللى عندى ولو تختلط بشغالات ثانيات يمكن تتغير خاصه اذا كانو يعرفون حقاتك القديمات تراهم يتناقلون اخبار الاسر كلهم وحسيتى انها تغيرت كلميها انا اسوى كذا قولى مهوب لازم كلما شفتى شغاله مهيب كويسه تقلدين عليها مثل مافيه مدامات كويسات ومدامات<<<حلوه مدامات عاشت الوضع بقوه:01: كهوب كويسات ترا فيه شغالات نفس الشى واذا تبين توسن زيهم تحملى اللى بيجيك لان معاملتى بتتغير وبس يكفى كلام شوى لاتكثيرن الحكى معها000وماتحاولين تعصبين مره بس سوى شكلك زعلان مرررره وماتهاوشين هذلوى ينخاف منهم بعد وبنفس الوقت ماتخلين الحبل على الغارب 00انا شغالتك هذى احس انها تسوى الهوايل اذا طلعتى من البيت!!يالله اختى اسفه طولت بس وشسوى فى موضوع هذا قاعده اتخيلها منسدحه وتناظر افلام وانتى تجين تعبانه وتحشين لها كوسه :09:

والله يا بنات اشوف نفسكم بتنفتح لما نسولف عن الشغالات !!!

صح هي الحين متمددة على الكنبة ويمكن تأمر ولدي يجيب لها شي تاكل وتشرب وهو مسكين يرد يمكن !!!

يا أخواتي أنا اللي أجيبهم بيكونون فريش بدون خبرة !!! يعني ما بيعرفن اللأسود من الأبيض !!!

وبياخذون سنة حتى يتعلمن !!

لكن الجاية ان شاء الله بجيبها مع خبرة !!!

أما سولافة سفريهاااااااااااااااااااا مستحيل !!! لني بدوامي 9 ساعات !!! مش ساعة وثنتين !!!

وعلى العموم كتبت رسالة الحين من الشغالة القديمة للجديدة وبوديها للمترجم يترجمها وبعدين بكتبها بخط اليد وبزينها بالورود ( مثل رسائل الشغالات الحقيقية !!!)

وبكتب لكم النص تشوفون : هذي عن وضعي أنا شو بحب وشو ما بحب :
بسم الله الرحمن الرحيم

عزيزتي الشغالة الجديدة:

أنا الشغالة القديمة بهذا البيت ،وحابة أعطيكي تعليمات حتى ترتاحي لما تشتغلي معاهم ، لأني حبيتهم كثير وخصوصا صاحبة البيت ، وحتى ترتاحي معاهم سأخبرك بالأعمال التي يجب أن تقومي بها والتي يجب أن تتجنبيها :

الأعمال التي يجب أن تقومي بها هي :
o أكثري من غسل يديك كل 10 دقائق اغسلي يديك بالماء والصابون والديتول.
o اسمعي كلام صاحبة البيت مهما قالت.
o اغسلي أيدي الأطفال ووجوههم باستمرار ومشطي شعورهم باستمرار .
o لا تذهبي للسوبرماركت بدون استئذان لأن صاحب السوبرماركت يخبرهم في كل مرة تأتين فيها .
o حين تذهبون للتسوق خذي معك نقودك الخاصة وقولي لهم بأنك ستدفعين من مرتبك.( تحرجينهم وبيدفعون هم )
o اذا لم تعملي بشكل جيد لن يعطوك أموالك كاملة حين تغادرين لأندونيسيا.
o لا تدخلي غرفة ماما ابدا الا لو طلبت منك ذلك .
o لا تسرقي أبدا حتى لو مبلغا بسيطا من المال أو شوكولا أو عطر أو اي شيء وهناك خادمة في العمارة نفسها سرقت من اصحاب البيت الذين كانت تعمل لديهم و استدعوا الشرطة وحبست 6 أشهر ولم تحصل على أي راتب.
o حضري وجبة اللإفطار باكرا جدا.
o حافظي على الصلوات واطلبي من صاحبة البيت قرآنا واقرئي في وقت الفراغ.
o لا تجلسي على الكنب الا لو سمحوا لك بذلك واجلسي على الأرض، فأنت مجرد شغالة في هذا البيت.( لأن اللي عندي لما أرد البيت تكون متمددة وكل الخداديات تحت راسها وتحت رجولهاااااااااااااااااااا والله موت )
o نظفي المطبخ جيدا واجعلي رائحته دوما ديتول ولا تجلسي ابدا استمري بالتنظيف.
o نظفي أحذية الأطفال باستمرار دون أن يطلبوا منك ذلك وكذلك جميع ابواب المنزل كل يوم.
o نظفي أسنانك باستمرار وحافظي على نظافتك الشخصية واستحمي بحمامك وليس في حمام الأطفال.
o اذا ذهبت معهم لزيارة عائلة أخرى توجهي فورا للمطبخ وابدئي بالتنظيف حتى يقولوا عنك نشيطة .
o لا تلبسي بنطلونات في المنزل والتزمي بالملابس الفضفاضة الساترة داخل المنزل وخارجه.
o لا تتركي الأطفال يقتربون من المسبح حين يلعبون في الخارج، ولا تجلسي بل اركضي والعبي معهم وامنعيهم من اكل التراب او اي اوساخ عن الأرض.
o اطلبي من صاحبة البيت أن تسمح لك باستخدام الصالة الرياضية التي بالعمارة ( GYM) وكراسي المساج ولعب البلياردو او استخدام حمام الساونا وغرفة البخار وبالتاكيد ستسمح لك بذلك لو كنت مثلي ملتزمة بالعمل ، لأني كنت دوما اطلب منها وتسمح لي بذلك حتى إنني كنت اسبح متى أريد لأنني كنت أجيد أعمال المنزل.
o اطلبي منها ان تسمح لك بطبخ بعض الأكلات الأندونيسية التي فيها دحاج لأنهم يحبونها.
o حين ياتي ضيوف بدلي ملابسك وارتدي ملابس نظيفة وأحسني معاملتهم وتأكدي فورا من نظافة الحمام



أعطوني رأيكم !!! يا بنات ترا الوضع ما ينطاق !!! تخيلوا أنا الشغالة مش هي !!!

بصراحه شكلك مدلعتها على الاخير ..... اااااااااااااخ لو انها عندي

اول ما تدخل عليك قولي لها اللي يعجبك واللي ما يعجبك ... وافضل قبل ما تجي تخلين البيت كله يلللللللللمع عشان اذا جت تفهم انه اصحاب هالبيت مو اي شي يعجبهم .... وخليك حازمه معها من البدايه واذا شفتيها مطيعه وفهمت الشغل تهاوني معها ....... ولا تعوديها تطبخين لها .. هذا اللي ناقص بعد !!!!!! اعطيها رز ودجاج وخضار وقولي لها سوي اكلك انتي كل يوم وبسسسس

ترا والله جربنا ندلعهم ونرحمهم ونعاملهم معامله طيبه بسسسس للاسف انهم في الغالب يصيرون حاقدين وما تثمر فيهم المعامله الطيبه

تخيلواااااااااااااااااااااااااااااااااااا


آخر أخبارها


ابتي توه بيخبرني عالتلفون ( عمره 4 سنين و3 شهور ) ماما بتقول لك الشغالة خلاص هدايا شباشب وصنادل لازم ساعة هي تبا ساعة !!!!!!! الوقاحة !!!!! وصلت تقول للولد اتصل بامك تجيب لي معاها ساعة !!


والمشكلة كل هدية بجيبها .................................... بيصير شغلها مثل الزفت !!!

البارحة قلت بدخل البيت شوي شوي ولما فتحت المفتاح لقيت ولدي البيبي سنة وشهر عمره ماسك ( ممسحة الرض الرطبة واللي فيها كل بكتيريا وأميبيا العالم ) وبيمصها بفمه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!آآآآآآخ