فكرة لهدية بنتي لجدتها ؟؟؟

حياكم الله جميعا
بإذن الله تعالى - عند بنتي يوم الاثنين مهرجان الجنادرية وان شاء الله بتجي جدتها تحضر
باقترح على المدرسة انه الطالبات يعطون جداتهم هدايا
بس طبعا هذي الهدية تكون من البنت نفسها مو من المدرسة

طيب ابغى اقراحاتكم ايش نهديها ؟؟؟
طبعا اللبس - البخور - خاتم ..كله شيء مستهلك .. ابغى شيء غير
بصراحة الحين وانا اكتب جاتني فكرة كنت ناوية اهديها هي في هذا العيد
اللي هي : صدقة جارية او تبرع في وقف خيري بأسمها ونعطيها الورقة في علبة حلوة مع .... ما ادري ايش ؟؟؟؟

فايش رأيكم بالفكرة ... واللي عندها افكار ثانية تحتسب الاجر وتحطها
وكمان اللي عندها عبارة حلوة اكتبها كأهداء تكتبها ...

ما اروع ان تدخلي فرح وسرور في قلب العبد .. فما بالك ان كان هذا الشخص اعز الناس لي جدتي وجدة عيالي الله يحفظهم ويطول باعمارهم ويخليهم لنا ..