فكرة مميزة صنع الشوكولا في المنزل

بسم الله الرحمن الرحيم
السلام عليكم اخواتي مين منا ما تحب الشوكولا
بس الكل يعرف اني اسعارها غالية
ومو دائما تكون موجودة بالبيت ليش ما نحن نكتب تجاربنا ونصنع شوكولا بالمنزل :p
انا طبعا جربت كتير وطلعت معي الطريقة التالية
زبدة سايحة اصبع صغير
ندوبه ونحط عليه 4 ملاعق كاكاو
وملعقتين سكر بودرة السكر حسب نوع الكاكاو نتحكم فيه يعني اذا كان حلو او مر
ملعقتين حليب بودرة
تخلط جميع المقادير من دون نار
بس طبعا تكون الزبدة سايحة
وتوضع في الفريزر وشوي تكون جمدت
هي الطريقة تصلح للاكل او لتبشريها وتزيني فيها
صراحة انا جربت ادوبها بس ما صارت وفكت الزبدة عن باقي المكونات
وممكن تعملي نفس الطريقة بس بدل ما تدخليها الفريزر تعملي عليها كريمة شانتيه
وتبدي تحركيهم بالملعقة تطلع روعة لتزيين الكاتو والكيكات
جربوها وادعولي
وكل وحدة عندها طريقة تحطها هون لحتى نستفيد
وعيد مبارك عليكم