من خلال بحثي عن عجينة الفيمو واستخداماتها
أكثر ما وجدته كان يدور حول عمل الاكسسوارات
وأحيانا ورورد صغيرة .. ومرة لقيت فازة صغنونة بعجينة الفيمو
بس كانت روعة بصراحة ,,
ولكن .. طلعت في راسي فكرة فجأة ...
زوجي بالصدفة بيتكلم عن سلسلة مفاتيح بدل سلسلته الي اتقطعت
وجا في بالي أعمل سلاسل مفاتيح باستخدام عجينة الفيمو ..
وطال عمركم أول ما بدأت فيه تصميم لنموذج كرتوني مافي احد مايحبه في الكون
وهو ..ــــــــــــــــــــــــــــــــــــــــ> السنــــــــافر
بصراحة اللي أوحى لي بالنموذج هو لون العجينة
وهذا دليل على إن الخامات المتوفرة عندنا هي اللي تحدد نوع العمل اللي راح ننتجه أو نفكر فيه,,
أنا طولت عليكم أسفه ولكن باختصار راح أشرح الطريقة البسيطة جدا لصنع هذا النموذج ,,
في البداية هذه صورة العجينة وهي متواجدة في المكتبات غالبا الفنية ومكتبة جرير
وموجود منها كل الألوان وهذا شي روووعة بحيث انها ما تحتاج تلوين
تأخذي جزء من العجينة على قدر النموذج أو العمل وتعجنيه مضبوووط حتى تصبح العجينة طرية في يدك
لأن هذا صلصال حراري , ويتم عجنه إما باليد أو تفرديه بالنشابة أو بالضغط في مكينة المكرونة,,
وبعد فرده ترسمي الشكل المطلوب ثم يقص على حدود الشكل بالمشرط اللي على شكل قلم
عشان الزوايا الصغيرة أفضل ,,
وفي النهاية اكتمل الشكل وما ننسى نعمل فتحة فوق عشان نعمل السلسلة وممكن نستخدم
لونين الأبيض والأزرق أو اذا كان الموضوع بسيط ممكن تتلون طقيته والشورت بلون أكريلك أبيض
أنا استخدمت لون واحد هوا المتوفر عندي ولونته فيما بعد بالأبيض ,,
بعد كذا يحتاج يدخل الفرن طبعا عشان يتصلب ويحتاج إلى درجة حرارة معينة وهي 150 مئوية للفرن العادي
و 265 درجة فهرنهايت لمدة 15 إلى 30 دقيقة كحد أقصى للأحجام الصغيرة إلى المتوسطة
ولابد من تغطية العمل بورق الألومنيوم في الفرن ,,
وللأسف ماعندي صورة نهائية للعمل ولكن اذا اتوفرت راح أحطها لكم والطريقة سهلة جدا
ماراح تدوخو فيها ان شاء الله ,,
وإذا حابين أحطلكم صور لاكسسوارات مصنوعة من نفس العجينة انا حاضرة ,,
تحياتي لكم .. ولمروركم ,,
أدعولي بالخلفة الصالحة يا أحلى بنات ,,:26:
بس شلون شكل عجينة الفيمو مثل الخزف تطلع ؟؟؟؟