نجديه بالشرقيه @ngdyh_balshrkyh

محررة برونزية

فكرتي اللي سويتها بجوالي مع المزعجيين اتمنى انكم تسون مثلي

مساء الخير

شلونكم بنات وش حالكم الا بغيت اسالكم عندكم ازعاج بجولاتكم زيي << اوووول كان عندي ابو وام الازعاج

بس بعدين اصابهم الملل ومعاد يدقون زي اول

( ترا احيانا اشتاق لهم وافكر ادق عليهم اسالهم وينهم معاد تنشافون وش هالقطيعه كانو مسوين جو بجوالي<< محد يدق الا هم)

بقول لكم انواع الازعاج اللي كان يوصلني

1) ازعاج من شباب راسلينهم بنات وش يبون الله اعلم بس كان يوصف شكلي وكنت ادري انه يبي يخرعني يعني

شوفيني اعرف شكلك بس انا كنت اتخرع وبعدين صار الوضع عادي خصوصا نه بالاول مره رحت وطرت وحلقت

عند امي الله يحفظها وانا اركض واقول يومااا امي يمى ( كني ناصر درويش لا منه تخرع ):o:eek:

وخبرتها بالسالفه قالت لي ماعليك منه هذا اكيد بنات راسلينه لك وقالت لي طنشيه وفعل طنشته وجلس فتره يدق

وهون وبعد سنه تقريبا اكتشفت انه اللي ارسلته وحده كانت معاي بالمعهد ماخذه ارقام البنات كلهم وموزعته على

الشباب الله يهديهااا << لا يفوتكم تدعي كنا ما سبت فيها ولا دعت عليها من ذو قبل

عاد وقتها كنت احمد ربي انه شكلي زين وكشخه بالمعهد اللهم لك الحمد والشكر

2) نجي للازعاج الثاني اللي هووو يدق ويكون صحيح غلطان بالمره الاولى بس بعد ما يسمع صوتي الحنون يتعلق فيني ويموت ويذوب على اسلوبي يرجع يتصل مرتين ثلاثه 80 ولا 100 مره عادي عنده المشكله ما يجيه الا الهواش والسب بس احسهم يستخفون على السب ينجنووون احسهم يموتون بشي اسمه وحده تصارخ بوجيهم:angry2:

3) نجي للازعاج الثالث عاد هذول المفروض ما الومهم لانه فيه مفهيه الله يستر عليها من دون ذكر اسماء ( مو انا ابد)تكون بدل مثلا لا تدق على صديقتها تغلط برقم ولا اكثر وتدق عليه ( اللي هو المزعج ) وبعدها يبدا يشق طريقه بالازعاج

4) هذول بصراح مدري وش اقول عنهم بس بقول لكم وش لون جابو اسمي ورقمي انا طبعا ابحث عن وظيفه لي
ادور عليها من زمان بس اللين اللحين ما لقيتها مدري وين ضاعت مني المهم ماخليت ملف علاقي الا وقطيته بهالمدارس والشريكات ولا حد يدق ولا شي استغفر الله يدقوون بس وش يقولون ممكن نتعرف يا فلانه اقول له منين جبت رقمي وعرفت اسمي يقول لي مو انتي حاطه ملفك بالمكان الفلاني .......؟؟ :angry2:

اللحين جاء دور الحلول اللي سويتها

1) غيرت رقمي << مافيه فايده

2) اي ازعاج يجيني وانا ببيت خالي اعطيه بنت خالي تقلد صوت واحد ممتازه بالتلقيد بس كان حل مؤقت لانه مو دايم عندي

3) كبر اخوي الله يخليه ويوفقه وتغير صوته وصار اخشن منه مافيه لولولولولولي:p لكن يافرحه ماتمت

اخوي من النوع الطيب جدا صار لما اعطيه اي مزعج
( طبعا انا اقوله ذا له شهر يدق علي ويبي يتعرف) يقول لي صدق طيب ويدخل يكلمه ويرجع يعطيني الجوال وهو ساكت اساله وش قلته له وش صار يقول انتي غبيه ظلمتيه قلت ايش قال انه قاله هذا جوال خالد رد اخوي لا والله يالطيب << وش يحس الاخ ذا ولا يقوله يالطيب
هنا غسلت يدي من اخوي بعد محاولات متكرره يعني ماتبت من الاولى

4) هنا عاد انا كبرت وصرت رزينه من جنبها المهم صرت اطنش لالبعض يطفش والبعض ماصار صامد وبما انه البعض صامد صرت اخزن رقمهم علشان مااغلط وارد وحطيت لهم اسامي كثيره واغلب شي كنت احط اسامي حيوانات وبعدها صرت احط احمق ولا مختل ولا اجرب

5) كبرت يا بنات اكثر من الكبر اللي قبل << فسروها عاد
صرت اخزن ارقام المزعجين بشي يذكرني بالله عز وجل يعني اخزن بدل احمق صرت احط سبحان الله الحمد لله والله اكبر واستغفر الله وهكذااا بذالك صار كل ما يدق مزعج واقرا الاسم مثلا اسغفر الله اتذكر اني استغفر الله
وهكذااا

ادري طولت السالفه وهي قصيره بس بغيت اسولف معكم يا بعد شبدي انتي وياها واطلع عيونكم اللين تعرفون الفكره اللي اتمنى تكونون فهمتوها وتستفيدون منها ان شاء الله

واللحين اتمنى انكم تدعون لامي وخالتي وخواتي واخوي << ما بقت حد واللي ودها تنقل الموضوع تنقله مع ذكر اسمي واسم المنتدى ورقمي والعنوان :42:

واللي مافهمت الخطه اربعه ب 12 اليها الصور التوضيحيه
http://Swr_008

يلزم عليك تسجيل الدخول أولًا لكتابة تعليق.

تسجيل دخول

ام جووو جووو • 15 سنة

هههههههه عليك اسلوب يدننن

عاد الاديه عدد ولاحرج

الله يشغلهم بأنفسهم ان شاء الله

نجديه بالشرقيه • 15 سنة

ام سلمان وجوجو :

لا يمكنك مشاهدة هذا التعليق لانتهاكه شروط الاستخدام.

امين يارب حياك منوره

اشتري جوال علشان مارد عليه بعد وش له جايبته وبعدين انا ماقلت سجلي رقمه ورجعي دقي انا قصدي تسجلينه علشان لاتصل تدرين انه المزعج اللي تدور شغل مثلي راح ترد على اي رقم غريب يجيها على امل وظيفه

ومضة خير • 15 سنة

خطيـــــــــــره في فكرتك وفي أسلوبك ...

فنانه صاعده ..

أأأأقصد كاتبه صاعده خخخخخخخخخخ

شكرآ يا عسل الشرقيه .....

7la2008 • 15 سنة

خخخخخخخخخخخخخخخخخخخخ

رمش عينهـ • 15 سنة

ههههههههههههههههه

فديتك ..

عآآد تدرين أسلم حل وش هو ... !!

حطي الأرقآآم الغريبه .. ومآرآح تدرين عنهم إذآ دقوآ .. يعني زي الصآمت ..

ويآرب لك الحمد .. فيه شي إسمه رسآله .. اللي يتصل أكثر من مرهـ ويبغآني من جد .. يرسل لي رسآله ..

أنآ فلآن ولآ فلآنه ردي ..

/

لي خمس سنوآت حآطه جوآلي الأرقآم الغريبه بدوون تنبيه .. وبحيآتي مآرديت عليهآ ..

واللي يبغآني يرسل لي رسآله ..

/

وتسلمين على الطريقه .. بس على هيك .. كل جوآلي صآر أرقآم غريبه من كثر مآ أخزن .. بـ سبحآن الله والحمد لله ..