السلام عليكم و رحمة الله و بركاته
هذي أول مشاركة اطرحها بهذا القسم اللي أبد ما لي غنى عنه
و أتمنى ان يكون الشرح واضح
شريت أكياس بوليثين ( عشان أخزن فيها البرجر البيتي مثلا) من فتره
مباشرة خليتها بكيس و سكرته زين
بس كنت أتعب كل مرة أفتح الكيس و اخذ اللي أبيه و بعدها اسكره باحكام من جديد
حسيت ان اكو شي غلط بالموضوع
و قلت ليش ما تفكري بطريقة تسهل المهمة و في نفس الوقت تحفظ الأكياس من الحشرات و الغبار
و أي أوساخ ثانية
بحثت عن أي علبة موجودة عندي مقاسها يناسب مقاس الأكياس
و الحمد لله لقيت عندي هذي الأشياء
عبارة عن كرتون أحذية و جلادة لاصقة ملونة و اسطوانة كرتون( اللي تجي مع ورق الالومنيوم )
بالأول أخذت الأسطوانة و قصيتها بحيت يكون طولها بالضبط مثل طول علبة الكرتون
و استفدت من البقية و قصيت حلقتين بنفس المقاس ( تقريبا بوصة و شي)
حفرت كل من الحلقتين من جهة واحدة بس و خليت في كل وحدة حفرتين
بهذا الشكل
و بعدها جلدت الأسطوانة بالجلادة و كمان الحلقتين
عملت من الحلقتين قواعد للأسطوانة
و وضعت الأسطوانة على الحلقتين بحيث يكون الجزء المحفور ملاصق للأسطوانة
و ثبتهم بشريط لاصق شفاف
يتبع>>
غلفت الكرتون بنفس الجلادة اللي غلفت فيها الأسطوانة
و من الداخل غلفته بجلادة لونها اصفر كمان لاصقة
و وضعت الأسطوانة بدون تثبيت بداخل الكرتون بهذا الشكل
أخذت الأكياس مثل ما هم مرتبين و ما غيرت فيهم شي و كان هذا حجمهم
ثنيت الطرفين مثل اللي بالصورة
و وضعتهم بالكرتون و كانت الأسطوانة بالنص و الثنيتين على الطرفين و صار بهذا الشكل
و هذا شكله و بنتي الصغيرونة تسحب منه كيس من غير ما يخرب الشكل
فكرة اضافية
قصيت الكتابة اللي على الكيس اللي محفوظة فيه الأكياس و لصقتها على الكرتون حتى اللي يفتح الخزانة يعرف شنو بداخل الكرتونة
أتمنى من كل قلبى ان يكون الشرح و الصور وافيين
و أي سؤال انا حاضرة