حوش حوش يارب اعطي كل وحدة حوش

ليش ماتجربوا السطوح وبعد ماتخلصون ارميها من فوق


الي ماعندها حوش تقدر تترك فيها بعض من عطرها اوورده اوفوحه اوكلمه الي زوجها

حتي الي مايتزوجت تقدر تحط كلمه ثناء اوورده اوعطر ممكن هديه الي ابوها او اخوها

مرات اعملها لبويه تعجبه بالمره

سبحان الله
اليوم العصر شفت سيارة زوجي مغبره مع الجو(وانتم عارفين)

شمرت عن يديني وبدأت اختكم تغسل من جوا ومن برا وبعدين كنستها وعطرتها وحطيت رساله
حلوه

طبعا هو ماهو موجود لما دخل طارت عيونه

وسبحان الله يوم تصفحت اليوم الحياة الزوجيه لقيت الاخت كاتبه نفس اللي سويته

سبحان الله توافق افكار

فكرتك حلوه في انتظار المزيد

سـ 99 ــــــراب مشكوره علي طرح عطرك بمرورك

nooor1 الحوش مشكله والله ليش ماتحاولي تتدخليها وسط الصاله

جربي









امزح والله تخيلت المنظر سياره داخل الصاله يامه شي يفجع

اوخيتي الخوف من الله:
لك من أختك أم تأبط شرأً الف الف تحيه،، ولا يهونون الاخوات،، معليش لو قبلتي انتي والاخوات اسولف لكم شوي عن موضوعك اللي من

من يوم قريته رجعلت بذاكرتي لموقف صارقدام عيني،،

كنا أنا وبناتي وأبوتأبط شراً قبل مايشرف ولي العهد( تأبط شرأً ) ولا كان مااستمتعت بشيً مسافرين لدولة عربيه ،، وكنا جالسين في مكان خلاب وجذاب،، يوم جمعه(( اسال الله العظيم ان يكون لناواياكم بالجنه جمعه))

كان المكان زي ماقلت لكم شي من النعيم الد نيوي ((الله لا يحرمنا ولااياكم من فضله)) ماء وخضرة ماناقص الا الوجه الحسن،،، والوجه الحسن ماطلع

مغطيته بالغطاء ماعدا حق المراقبه والملا حظه <<<<< يعني نقاب المراقبين انا ماني بد يرتي ابي اشوف واناظر

كل شي حولي،،، ومن يوم قعد نا الين مشينا يعنني بد ون مبالغه حوالي 4 ساعات ،، كان قدامي حرمه لكن الحق يقال

انهامرةً قرمه <<<< هذا اللي خًلى رجالنا يفكرون ويهذرون فيهن من زود الحشيمه فيهن لرًجًال ولا هوب عيب ان المرة

تخد م زوجها بالاشياء اللي مهوب من واجباتها الاساسيه<<< وحده خايفه من عرس رجًله عليها

كانت ياعيني عليه مدهره تلًعب شبابه تمسح شويً، وتلمع شويً،، وتغسًل وتجيب ماء من النهر شويً كل هذاتمسح سيارة ولد حماة يئبرها

والله اني رحمتها كنت اخاف اذا جت تجيب مويه من النهر،انها تطيح وتزلق،،، وما سلمت من( ذًره) هي تمسح وتغسل وعياله

تقل اباليس يوصخون ويمشون،،، والعمليه تتكرر أمام عيني،،، حتي أني بغيت افزع له وأدهر معها ،،، اواتقعد وتفرغ لعيالها الاباليس ابعدهم عنها بعصا

وعلى هذي الحال تمسح وتنظف،،، وابو الشباب جالس وشابك ليً بفمه ماعنده شغله الا بس يبعد اليً ويرجع يشبكه مره ثانيه

كل التعب والغثى اللي واجه المدام تدرون ويش كانت السيارة حقتهم يليت كانت تستاهل ،،، كانت السيارة ونيت د د سن أبوعزيز

غماره ،، لا وكان حالته حاله ،،، مصد مه لين قالت أمين ومتعفطه من كل جهه،،، بس ماقلل هذا من شان السياره عنده الله يرزقنا واياهم والمسلمين أجمعين

زبدة الكلام ::اني اؤكد للاخوات الفاضلا ت وانا بكامل قواي العقليه انه مافيه شيً لو صلحنا الشغله هذي حق رجالناوادخلنا الوناسه عليهم

مع العلم أنا مقد سويتها وماراح اسويها تدرون ليش::

لان الد لخ السواق هواللي يسوي الشغله هاذي،، وبعد ين سيارات أبوتأبط شراً كثيره ماشاء الله ((هللو)) ويش اغسل ويش اخليً وبعدين أكثرها مقاسها

عائلي مااطول اغسلها<<<< وحده تتحجج

الا ، كان ونيت مقاضي السواق يمكن اقدر مثل اختي اللي شفتها ،،
هذا اللي حبيت اشارك فيه اتمنى ان اكون افد تكم ،، اللهم ادم علينا النعمه واحفظها من الزوال وأحفظنا بحفظك يارب العالمين

ودا م الجميع لمن يحبهم وأنا أم تأبط منهم


اللهم أصلح ليً تأبط شراً وتأًبيطه وتئبيطه( ذري) أمين يارب العالمين