وناحلوى ما معك انشأ الله 

كيفكم يا بنات ؟؟

أنا خلصت درس 24 وحاسة اني ملخبطة

عندي اقتراح نرجع نعيد من درس 16 كلنا مع بعض

ونمشي على جدول موحد للجميع

مو مهم نعيد ونتأخر المهم ما نوقف

ياليت كل المجموعة ترجع ونعمل جدول أسبوعي

إذا موافقين هيا

تسجيل حضور للدرس16

بالعافية قدرت ابدأ كل مرة بأجل ^^

والله ياليت نرجع زي اول شكله الكل مكسل

السلام عليكم ورحمة الله وبركاته ..

أسعد الله صباحكم جميعا

المعذره والسموحه منكم بنات .. ماقدرت أشاركم وأتقيد بالجدول


كان عندنا عزيمة وكان عندنا فرح ولد خالتي مع إني ماحضرت الفرح بس أختي خلت بناتها الصغار عندي بالبيت
والأربعاء هذا عندنا ملكة بنت خالي

ونسييييييت أقولكم يابنات إن دفتري اللي كنت أكتب فيه الدروس ضاع وجايبه دفتر ثاني بس إن شاء الله برجع أدوردفتري زين *ـ*


وفي شغلة مضايقتني يابنات كل مافتح اليوتيوب بشوف الدرس الجديد .. الأقي نفسي أتابع منه جزء بسيط وأكتبه وبعدين أحصل نفسي أسرح وأفكر خخخخخخخخ والله عجزت أشوف الدرس كامل بتواصل الاقي نفسي أتعب و تكاسل حتى أكتب الدرس .


عشان كذا أنا فكرت إني أقسم الدرس الواحد على يومين .. مثلا يوم السبت .. نص ساعة..و مو لازم هنا أذاكر الدرس بتواصل يعني مثلا ربع ساعة بالصباح وربع ساعة بالمساء وبكذا خلصت نص ساعة من الدرس ... ويوم الأحد نص ساعة نفس الشي أجزء الوقت في المذاكره .. وبكذا خلصت الدرس الواحد بإذن الله .

ويوم الأثنين ..يكون مراجعة الدرس كامل.

ويوم الثلاثاء درس جديد ( نص ساعة من الدرس ) ... ويوم الأربعاء .. نص ساعة .. والخميس مراجعة الدرس .
ويوم الجمعة .. يكون إجازة .

يعني صار كذا درسين في الأسبوع *ـ*

-------------
بداية ياعسل .. إنتي وصلتي لدرس 24 .. يعني باقي لك 3 دروس وتخلصين المستوى الأول ماشاء الله عليك .. لأن درس 28 و29 و30 مراجعة عامة للمستوى الأول .

فا أناعندي اقتراح إذا تقدرين إنتي وجنينة واسعة تذاكرون هالأيام 3 دروس الباقية اللي هي ( 25 و 26 و 27 ) ذاكروها عشان تتحمسون تبدأون معانا من درس 16 من السبت الجاي .. و نخلي الجدول درسين في الأسبوع .. إذا ماعندكم اي مانع .. مجرد اقتراح .. ولو حابين تأجلون 3 دروس لوقتها اوووك ونبدأ من جديد *ـ*



والأعضاء الجدد اللي حابين يشاركونا حياكم الله معانا


أتمنى والله من الجميع يرجع بكل حماس ونشاط *ـ*

انا خلصت درس 24

بس بصراحة ال\روس صارت دسمة مو مثل اول وش اسمك وش اسمي هههه

واهم شي الاستيعاب والتركيز


وشهوده الله يعينك ويقويك يارب تلقين دفترك ياارب حاسة فيك

وانا مع بداية انه نراجع افضل وعلشان نمشي مع المجموعة ونستوعب

صعب جدا ياشهوده اخلص 3 دروس خلال هاليومين ما راح استوعب شي

بس بكرى بخلص درس 25 باذن الله بعدين ارجع معكم



يالله ارفعوا ايديكم للسماء واطلبوا من الله العون