فكره الانتحاار وسواس الشيطان

ماقد جاءت هذه الفكره في بالي،الله يعينك ويسهل امورك بس ترى فكرة الانتحار ماهي سهله مافي شخص ماتمر عليه ضغوطات ومشاكل بس الواحد يحاول يتعايش معها ومع التفكير عن حلول تخرجه منها وهذا طبع الحياة ماحد مرتاح كل ماتخرج من مشكلة تدخل في ثانية مافي خلاص من المشاكل ولافي حياة خاليه من الضغوطات ،كل اللي نقدر نسويه اننا ننظر لهذه المشاكل نظره ايجابيه عشان تتسهل امورنا ونقدر نطلع منها بفائدة .

هلا نورة
الله يشرح صدرك و ييسر أمرك

يا أختي الأصل في هذه الدنيا إنها فيها نقص،
(ولقد خلقنا الإنسان في كبد)
يعني تخيلي هذا الأساس إننا نكابد في هذه الدنيا و نحتسب الأجر و في كل ما نجد من كبد نحن مأجورون عليه لو احتسبناه عند ربي.

طيب بتقولين كيف جاءت الفكرة ببالك ؟
ما أدري لكن
هل تتابعين أفلام أو مسلسلات أو تقرأي روايات فيها موضوع الانتحار كحل للمشكلة !
إذا نعم فلا تستغربي ..
لأن أي شيء نتعرض له يتخزن بذهننا و ينعكس بيوم من الأيام على طريقة تفكيرنا.

تبغي تريحي قلبك اقرأي السيرة النبوية و تأملي كيف كانت حياة النبي عليه الصلاة و السلام و صحابته، و كيف ردود أفعالهم …
صدقيني بتتسلين كثير و بتهدأ نفسك بحول الله.

و مهم تلاقي صديقة تجلسي معها تغيري جو ، مو ضروري تفضفضي لها ، مجرد الجلوس مع الصحبة يؤنس القلب.

و بالأخير عوّدي نفسك تفكري بالنعم اللي عندك ، أعرف أوقات تضيق فييييك و تحسي إنه البلاء مسيطر عليك لكن بالعكس هذه هي الأوقات اللي تكوني محتاجة تذكري نفسك فيها بالنعم ، حتى تحمدي ربي و تشكريه ،
الستر ، الإسلام ، العافية ، البصر ، الدفء ، …….الخ
و الأهم إذا تركتي شيء لله فكوني على يقين بأن ربي بيعوضك خيرًا منه 💗🌷

فكرة الأنتحار أولا من الشيطان وثانيا ممكن أنك كارهة الروتين اليومي لحياتك وتطلعين لشي جديد ولكن مو قادرة توصلين له وثالثا أذا أنتي عزباء وبهذا العمر يكون سن اليأس ولكن تزوجي أفضل شي

ليش تفكرين بالانتحار؟
احد قتل طفلك قدام عينك

احد تعدى على مالك وعرضك
انا متاكدة مافي شي من ذا حصل لك
ويارب يحفظك من القهر اللي يفقد الانسان عقله
انا ماقاعدة اتفاول عليك بالشر
بس ابغى اوصلك ان اللي تعرضتي شيء بسيط من بلاوي الدنيا لكنك ماعرفتي تحلينه
استغفري والجأي لله اللطيف الخبير سبحانه
رددي الله الله ربي لا اشرك بربي احدا
وكلما تعبتي تعالي هنا وفضفضي والله ماحد خالي من الهموم والضغوط لكن عندنا امل برب العالمين سبحانه وان المومن حتى الشوكة اذا صابته مأجور عليها

تقولين ليش جاتك فكرة الانتحار
انتي جاوبتي نفسك لانك وصلتي مرحلة اليأس
ولا تكذبين على نفسك تقولين انا ايماني قوي لان هذا الشي غير صحيح
ومو عيب ولا غلط ان ايمانك يهتز شوي
او يمكن انتي فاهمه الايمان بطريقه غلط تحسبينه بس صلاه وصيام وعبادات بدنيه بينما هو شي اقوى واعمق
واقل شي المؤمن يكون عنده رضا بقضاء الله وقدره خيره وشره
عموما بعيدا عن سالفة الايمان والقوه والضعف
نصيحتي لك تبدأين من اليوم تاخذين دفتر وقلم وقبل تنامين ابدأي اكتبي 5 إلى 10 نعم وايجابيات في حياتك واستشعري بداخلك حجم انتفاعك بها وكيف حياتك متيسره بسببها واحمدي الله واشكريه عليها مثل نعمة الجفون السليمه اللي تحمي عيونك والشعر اللي يغطي راسك واعضاء وخلايا جسمك واحد واحد من الداخل والخارج وكل حواسك المتعافيه السليمه واكلك وشربك اللي يجيك بكل يسر وتقدرين تمضغينه وتبلعينه ويخرج من جسمك بلا عسر ووجع والكهرباء واللبس والسرير والحمام و .... الخ كل يوم ركزي وش فيها حياتك من نعم واكتبيها
وصدقيني مع مرور الايام بينتقل تركيزك وتفكيرك من الضيق واليأس الى السعه والوفرة
وبتحسين وش كثر انتي غارقه في النعم لكنك جاحدتها ومعتبرتها مسلمات ومركزه على الحاجات القليله اللي ناقصتك ومعطله حياتك عليها لدرجة عمى البصيره
يعني اللي انتي محتاجته حالياً انك تصححين طريقة تفكيرك ونظرتك للامور