فكره حلوه... للي عندهم واتس اب

السلام عليكم و رحمة الله وبركاته

اللي عندهم واتس اب. اغلبهم يحبون يستفيدون من هالبرنامج
والله وفقنا لفكره حلووه ،، جزاها الله خير اللي دلتنا عليها

ارسلت اعلان لكل اللي معي باللسته عن نيتي بفتح قروب لحفظ القران . وكان فيه ناس عندهم الرغبه بالحفظ مع مجموعه و مايقدرون يطلعون للتحفيظ ،،نفس فكرة قسم حلقات القران هنا. بس الفرق انك تعرفين اللي معك. و سهولة التواصل اكثر من المنتدى
واتفقنا بالقروب ع اننا ننزل جدول للحفظ ونتابع الحضور بشكل يومي
واللي ماحفظت بتتشجع بوجود الثانيات
بالاضافه الا اننا ننزل بالقروب روابط للتجويد او دورات حفظ القران بالفيديو والحمد لله

للعلم كلنا بالقروب امهات ومشغولات جدا. الا انا قدرنا نتابع الجدول بدقه بفضل الله سبحانه علينا

اللي تعجبها الفكره تسارع بتنفيذها. و ممكن اللي معك بالقروب يرسلون اعلان للسته اللي عندهم و اللي يبي يشترك معكم تضيفينه بالقروب

و اللي تحب الفكره وودها ارسل لها روابط تجويد او دورات حفظ او غيره تبشر
والله يوفق الجميع. دعواتكم لنا باتمام حفظ كتابه الكريم وان يكون القران ربيع قلوبنا و جلاء همومنا وانيس وحشتنا
والله يتقبل يارب