بسم الله الرحمن الرحمن الرحيم
السلام عليكم ورحمة الله وبركاته..
كيفكم يالغاليات...
عندي فكره حلوووة للعرايس..يسوونها بالزفه..
وهي..
ابيات حلووه تكون هديه من العروس لاهلها..امها ,,ابوها,,اخوانها,,خواتها.. والحضووور..
وما عليك الا تضيفين الاسماء بس للقصيدة وتودينها للمحلات اللي تسوي زفات ويسجلونها لك..
عاد انتي ومزاجك..ان بغيتيها تكون وانتي طالعه من الكوشه يعني كوداعيه..
او بعد ما تخلص الزفه على طول بعد ماتجليسين على الكوشه..
احنا بنسويها بزواج اختي..ان شاء الله..
اتمنى الفكره تعجبكم.
والله يعيني على اختي بتقووول نشرتي الفكره...خخخخ..
يالله يمديني اراضيها ان شاء الله..المهم الكل يستفيد..
اترككم مع القصيده الحلووووووه...للشاعر ابو ليان الله يجزاه الف خير ..ولا يحرمه اجر كل عروس استفادت من هالقصيده..
دعووووواتكم.
تفضلووووووووو..........
اعذب حروف الشعر و اغلى معانيـه .. لكـل مـن بحضـورهـم شرفـونـي
وأمي لها اكتب نبض قلبـي و اغنيـه .. و دمع الموادع في محاجـر عيونـي
ما انسا الغلا اللي بالمشاعـر تدفيـه .. بدونها ما اعيش و لا تعيـش دونـي
و لابوي ابكتب عذب الإحساس و ابديه .. ذاك الكريـم اللـي بقلبـه حنـونـي
اعيش طول العمر و انا افتخـر فيـه .. هو تاج راسي هـو سعـادات كونـي
ولاخواني ابدي من ضميري خوافيـه .. واعطي لهم حبي مثـل مـا عطونـي
الطيـب و الاخـلاق لا حـل طاريـه .. رفعـت راسـي و بالمراجـل كفونـي
مني جزيل الشكـر و الحـب كاسيـه .. لكـل مـن فـي زفتـي ساعـدونـي
و ام العريس اجمع لها الورد و اهديه .. واهـل قطـرات الغـلا مـن مزونـي
وابـارك لشريـك عمـري و اهنيـه .. مبروك يا شمعـة دروبـي و عونـي
أغلى مشاعر حب من قلبـي اسقيـه .. باسم الغـرام اللـي يحـرك سكونـي
واصون له عهدي على الحب و اوفيه .. و اكون دايم عنـد حسـن الضنونـي
لحظة و داع الغالـي لشـوف غاليـه .. حرك احاسيسـي و هيـض شجونـي
وقت الوداع القلب مـا هـو بقاويـه .. ولو هو بكيف القلـب مـا ودعونـي
موون @moon_47
محررة
يلزم عليك تسجيل الدخول أولًا لكتابة تعليق.
(( ام دنو ))
•
روعه الله يوفق اختك كلماتها تحزن
موون
•
روعه الله يوفق اختك كلماتها تحزنروعه الله يوفق اختك كلماتها تحزن
ياحلووووووووووها هالدعوه اللي توسع الصدر...
جزاك ربي جنته ياقلبي
موون
•
فكره حلووووووووووووه يسلمو والله يوفق كل العرايسفكره حلووووووووووووه يسلمو والله يوفق كل العرايس
آميييييييييييييييييييين ياقلبي
والحلووووه عيووونك..
شاكره مرورك ياعسل
والحلووووه عيووونك..
شاكره مرورك ياعسل
الصفحة الأخيرة