السلام عليكم ورحمة الله وبركاته..
اهلين حبايبي كيفكم؟ ان شاء الله تمام؟؟ عسااا دووم يارب مو يوم..
اليوم حبيت اقولكم عن فكره جهنميه ورهيبه..انا بصراحه سويتها في البيت وفي الجامعه ..ونجحت فيهم كلهم..ولله الحمد..بس عسا النجاح يكون عند رب العباد
الفكره هي عباره عن صندوق..او اي علبه فاضيه عندكم تزينونها بشكل حلو ومرتب وتكون فيها فتحه..(انا عن نفسي استخدمت مره كرتون جزم الله يكرمكم والمره الثانيه علبه الشكولاته
اللي تجيكم كذا زي السطل السويسريه معروفه ..ومره استخدمت حصاله عاديه بس فيها رسمات خخخخ >>خبركم احب الرسم)..
الحين اكيد تقولون وش تخربط ذي الهبلا..
بس انتظروا للنهايه..
الطلبات:
علبه تكون فارغه يكون شكلها حلو ومرتب..وحجمها متوسط..بشرط تكون مغلقه وفيها فتحه من فوق
ورق وقلم فلوماستر
صمغ
طريقه العمل:
نغلق العلبه ونفتح فيها فتحه من الاعلى كافيه لدخول النقود الورقيه والمعدنيه
نكتب على الورقه العباره التاليه(ريال الاثنين والخميس)
نلصق الورقه على العلبه
المطلوب من الجميع:
سنبدأ المسابقه يوم الخميس الموافق 5/14>>يوم ميلادي خخخ او نأجله ليوم الاثنين المقبل
سنقوم بكتابة عدد المشتركين مثل: نوني- زاجل - شواقه.....الخ
يبدأ كل مشارك بصنع العلبه وجمع مبلغ مالي كل يوم اثنين وخميس عباره عن ريال او اقل او اكثر او بما تجود به النفس فلا حياء في الصدقه..
وربما يتسائل البعض لم حددت يوم الخميس والاثنين(لان في هذين اليومين ترفع الاعمال الى الله) ومااحوجنا ليكتب في صحائفنا صدقة تطفئ غضب الرب يوم القيامه..
وسنحدد موعدا لفتح العلب لجميع العضاء وعد المبالغ..ومن سيجمع المبلغ الاكبر سيعتبر الفائز الاول وهو بذلك الفائز عند الله جل وعلا..
واخيرا يوزع المبلغ على جهات الخير والمحتاجين..
ملاحظه:
قمت بعمل هذا الصندوق في الجامعه..اولا كنت اخذه على طريقه المزاح..وارسل مسجات للبنات على الجوال(ترى ماكو فطور اذا ماجبتي ريال الاثنين)(ترى بنشوتك من الشله اذا ماجبتي)
وفعلا كانت رده الفعل رائعه اولا مزح وضحك وثانيا تخرج عن طيب نفس وكثيرا من يرمي علي بعض الكلمات ممازحا( نوني بكره بغيب لانه الاثنين ومافيني اجيب ريال)..
وانا اقولها (والله ان غبتي لا ادبلها لك فاحسن لك تعالي)...
وفعلا والله توسع النطاق..وصاروا البنات يدفعون ريالين عن الاثنين والخميس..وبعضهم صار يجيب عن امه..والبعض الاخر يدفع عشره ريال..وخمسه او ربع ريال..
وهكذا..واحيانا لايدفع شئ..فصار الامر طبيعي وعادي..بس لما فتحت الصندوق تفاجات بالمبلغ...
كم تتوقعون وصل؟؟
ميه
ميتين
خمسميه
وصل الف ريال..
انا نفسي مو مصدقه..هالريالات اللي نستهين فيها والقروش..تجمع الف ريال..سبحان الله العظيم..
يااخي بدل ماتضيف ريال عشان تحصل على وجبه سوبر سايز من المطعم اليهودي ماكدونالدز او بلا ماك هرفي يالله يااخي حطها بالصندوق ووفر ريال ووفر فوقهم كم سعر حراري راح ينفخ كرشتك فوق ماهي منتفخه
كفانا كلسترول وشحوم..وكفانا ذنوب ماتدري كيف تنمحو وتنطفي وتزول..
نقدر نكفل بهالمبلغ يتيم..او نكسي عار..او نطعم جائع..او نسد دين..اونقضي حاجه..او وجوه الخير كثيره وسهله ولكن نحن غافلون عنها..
قال صلى الله عليه وسلم((من فرج عن مؤمن كربة من كرب الدنيا فرج اللله عنه كربة من كرب يوم القايمه)) ومااحوجنا يومها عمن يفرج عنا الكرب
احبتي دعوة صادقة مني..لتنالوا خيري الدنيا والاخره بفكره سهله مرحه لاتأخذ من وقتكم شئ ولا من مالكم شئ..كل اسبوع ريالين فقط؟؟فهل تعجزون..
عودوا ابنائكم على الصدقه..فوالله ان الصغار يتنافسون اولا نزرع فيهم سنابل الصدقات والتعود على البذل والعظاء ..وثانيا بطبيعة الطفل غيور فان دفع اخوه سيدفع هو وهكذا..يتحمسون لا لاجل شئ فقط ليعرفوا كم المبلغ سيخرج في النهايه
ولا حرج من اصحابكم في العمل والدراسه..وخاصه اذا كانت باسلوب مرح شيق..
كان يعلق على الحائط..او يوضع على المكتب..او او..
تفننوا في طريقه وضعه..وفي كيفية جذب المتبرعين له..ولاتنسوا باخبارهم بالمبلغ ..لان النفس تتوق لقطف حصادها ومعرفة نتاجها..ااثمر ام باء بالخسران..
وباذن المولى لن تبؤ محاوله بنيه صادقهه للخساره لا في الدنيا ولا في الاخره..
دعونا نصل الى من يحصد اكبر مبلغ من المال..وسنحدد الزمن الذي سنفتح فيه صناديق الاقتراع>>يؤ اقصد الصدقه
بس هاه مو تجحدون عاد وتزرفون الفلوس وعلى اقرب مطعم ههههههههههههه..
الله يجزاكم كل خير مقدما..وانتظر من الجميع المشاركه ..
فلا تكسرون خاطري..
وتذكروا
قوله صلى الله عليه وسلم((مانقص مال من صدقه))..
وقوله عليه افضل الصلاة وازكى التسليم بمعنى الحديث..((الصدقه تطفئ غضب الرب كما يطفئ الماء الحطب))
اخيرا لاتنسونا من خالص دعواتكم..ولاتنسون ترسلونها لمعرفكم..وتطرحونا لاصحابكم..
فالدال على الخير كفاعله..
=============================================
نوني بحاجه لدعواتكم الصادقه بان يحقق الله مرادها
نونـــــــــــي @nony_4
عضوة جديدة
يلزم عليك تسجيل الدخول أولًا لكتابة تعليق.
هلا والله
بس للاسف كنت متوقعه تجاوب اكبر عشان نبدا المسابقه..
على العموم انا المشكتركه الاولى وانتي الثانيه يالغاليه..
والف شكر على تشريفك الموضوع..
بس للاسف كنت متوقعه تجاوب اكبر عشان نبدا المسابقه..
على العموم انا المشكتركه الاولى وانتي الثانيه يالغاليه..
والف شكر على تشريفك الموضوع..
الله يجعلها في ميزان اعمالك000وانشاء الله اني ابسويها وبوصي فيها000تخيلي يجي يوم الدين وتنقذي هاذي من غضب ربي علي0000واقوله وهو اعلم وعالم ومحيط بعلمه ان الي عطتني الفكره
اختي فيك(نوني)يــــــــــــــــارب تجمعنا على الخير وتجعنا ائمه ودعاة له يارب
اختي فيك(نوني)يــــــــــــــــارب تجمعنا على الخير وتجعنا ائمه ودعاة له يارب
الصفحة الأخيرة
جزاك الله خيراً أختي نوني:26: