السلام عليكم ورحمة الله وبركاته.....
الفقيره الى الله عضوه جديده وصغنونه اشتركت عشان تدعولها....
حبيت أخبركم عن فكره طبقيتها لعيالي عشان أعلمهم على النظام وما ينبح صوتي كل ما أمر على الصلاه_الواجب_ النوم.........الخ
فكرتي الي أتمنى تطبقونها محتاجين فيها الى التالي:
-ألعاب مختلفه للأطفال من الي يحبونها اعيالكم (خذت من ابو ريال وريالين)
-بطاقات مقطعه بحجم صغير من أي ورق مقوى شرط ان كل ورقه تختمينها أو توقعينها
-شريطه طويله
-دبابيس
في البدايه أحب ألخص الفكره
اكيد كلكم تودون عيالكم مراكز الألعاب الألكترونيه وهناك في بعضا الألعاب يلعب فيه الولد وتتطلعله بطاقات يستبدلها بلعبه. من هنيه يتني الفكره لأن الصغاريه يحبون يبذلون جهد عشان يوصلون للي يبغونه .
قمت أنا اشتريت لألعاب وعلقيتهم بدبابيس في مكان بارز في غرفتهم وحطيت قيمه لكل لعبه( تحدد القيمه بكثر حبهم لهذي اللعبه) وصرت كل ما يقومون بسلوك جيد أعطيهم بطاقه لين ما يجمعون سعر اللعبه ويبدلوني البطاقات باللعب.
وللأسف بعدني عضوه جديده و ما تعرفت على طريقة وضع الصور فلي بيعطيني الرابط بكون له من الشاكرين.
يلزم عليك تسجيل الدخول أولًا لكتابة تعليق.
الصفحة الأخيرة
يعطيك العافيه