فكره وش رايكم فيها نافعه ومريحه00!؟

والله اذا كانت حضانه كفؤ من حيث التجهيزوالاثاث

واتباع طرق الامن والسلامه

والعاملات اللي فيها مراعيات الله في معاملتهن للأطفال

وعندهم ذمة وضمير

ليش لاء بيكون مشروع ناجح

بس لازم تدرسه من كافة النواحي

وتعمل دراسة جدوى للمشروع

وتحسب تكاليفه بالكامل ومدى حاجة المنطقه لها

وعلى اساسه تحسب توقعات نجاح المشروع

واذا لقت النتيجه ايجابيه تتوكل على الله

وبصراحه انا اشجع ان المرأه تفكر في مشاريع تجاريه

من هالنوع......تحقق الفايده لها ولبنات جنسها

موفقه عيوني
:24:

هلا حبيبتي عنوده00

مشكوره يا عمري على تجاوبك 00 وهي باذن الله ستحاول جهدها ان تتبع ما ذكرتيه0

على الاقل عبرتيني0

نقلت الموضوع بهذا القسم ومع ذلك لا يرغب الكثير المشاركة00

ارجوكم اخواتي00

اريد اراءكم وافكاركم التي ممكن ان تساعدها وممكن اقتراحاتكم0

يالله انا في انتظار بقية الاخوات الكريمات00

لا تفشلوني قدام البنت00 بليييييييييييييييز:27: :26:

انا ما عندي فكره :42:
لاكن اعتقد انها فعلا مسؤليه
بس الفكره مو مستحيله ولا صعبه ابدا
اذا الله وفقها واختارت المدرسات والمشرفات الى يعطوا الاهل احساس
با الثقه صدقينى انشاء الله راح تنجح
لان اكيد كثير مررررره الى يحتاجون هذه الحضانه
وهذه النوعيه من الحضانات موجوده عندنا والناس متعودين عليها
في بريطانيا ..... بس زي ما قلت لك اذا قدرت فعلا انها تحسس الاهالى با الامان
بصراحه ما اعرف اذا في زي ها الحضانات في الدول العربيه ؟؟؟؟؟؟؟؟؟؟
لازم تدرس الموضوع بهدوء وتاخذ وقتها
لانها مسأله حساسه جدا ... اتخيل لو عندي طفل بفكر مليون مره
قبل ما اسجله في ها المدرسه .
على العموم الله يوفقها انشاء الله :27:

فكره رائعه.....وخاصه للموظفات ...ومثل ماقالوا الاخوات تحتاج دراسه

لكن انا بقولك شي من حكم تجربتي .....انا طبعا خريجه رياض اطفال .... وايام الكليه كان عندنا ملحق بالكليه غرفتين ودورة مياه يستقبلوا فيها الاطفال الرضع ..غرف عاديه مافيها الا اسره .... فمره قالت لنا الدكتوره انا عندي فكره ..وهي انا نجهز الحضانه بجميع الاحتياجات الضروريه وبارخص الاسعار والوسائل والالعاب وهذا كله وطبعا لازم تكون مناسبه لسنهم وتتوفر فيها جميع وسائل السلامه ....واختارت 4 من القسم وطبعا انا منهم ....وخلال اسبوع راح يكون الافتتاح .....وبدانا العمل ...ماتتخيلي كيف كانت المتعه ...وباسط الادوات جهزنا الحضانه وكلها من صنع ايدينا ...الرسومات ...الالعاب ... بانواعها ...فك وتركيب ..مكعبات ..حتى الجدران غطينها بشكل حلو ...اما الالعاب الكبيره ..ايامها كانت بامبرز مصلحه عرض على اغلفه البامبرز ...وتعطينا لعبه مجانيه ...ماخلينا احد ما جمعنا منه الاغلفه ... واكتملت الحضانه ....بتكاليف بسيطه

باختصار الموضوع محتاج لـ:

1-مكان يكون مناسب من حيث التهويه ومناسب لعدد الاطفال ومجهز بادوات تناسب المراحل العمريه
2-يكون فيه تقسيم للاطفال من حيت اعمارهم بمعنى ان ...مانترك طفل ست اشهر مع طفل 3 اعوام ..وكل فئه يكون لها تجهيزات مناسبه
3-كل مربيه تكون مسوله عن طفلين او ثلالث مو اكثر ....وشرط تكون عربيه
4-من ناحيه الاهتمام بنظافه الاطفال وتغيير الملابس ...لازم يكون فيه وحده مسوله عن هذا الشي .
5-كل فئه لازم يكون عليها مشرفه .

مثلا : الاطفال 9 اعمارهم اقل من سنه لازم يكون مربيتين على الاقل وعامله نظافه ومشرفه عليهم .. والمشرفه لازم تكون ثقه


.6-.بعض التجهيزات ...الاسره ...طاولات ...كراسي ...دولاب ..العاب جماعيه


... اتمنى اكون افدك ....واي شي تحبي تستفسري عنه بمجال رياض الاطفال انا بالخدمه..

ارق تحيه الك .....وبالتوفيق

أنا من أشد المؤيدين لمثل هذه الأفكار بس بشرط يقضي الطفل فيها وقت ممتع و يتعلم مثلا الرسم و القراءة و الكتابة أقصد سن 2-3 سنوات و النظافة و كيف يعتمد على نفسه و أهم شيء عاد الأمن و السلامة و ان يكونون الموظفات حابين عملهم يعني مو مغصوبين عليه أو يكونون من النوع اللي مافيه شدة يتحمل أطفال صغار و يقعدون يصرخون عليهم و يخرعونهم.

قولي لجارتك تبدأ على بركة الله بس طبعا بعد ما تدرس الموضوع عدل وياليت فيه أحد في الرياض يسوي لنا هالخدمة.