فكري معنا و لن تتمني ان تكوني ولد؟

أتخيلي يوم قمتي من النوم انت ولد وحياة البنات خلاص راحت وش بتسوين
؟!! قمتي عليك ثوب نوم عقب القميص ناظرتي نفسك في المرايه وأرتعتي
وش ذا الشنب؟!!
ووين شعري؟!
بعدين تذكرتي
صح...أنا ولد..

قمتي فتحتي الدولاب شفتي الدولاب كله ثياب تتشابه
وين الفساتين؟!
والتنانير؟!
والبلايز؟!
والقمصان؟!
والجلابيات؟!
والشناط؟!
بعدين تذكرتي
ايــــــــه صح.. أنا ولد.....

وطلعتي ثوب ابيض ولبستيه وطلعتي شماغ ولبستيه وأخذتي جوالك.. ولقيتي فيه مسج من ولد جيرانكم كنت قبل تستحين منه وعاجبك شكله والحين راسل لك مسج.. وش بتسوين؟!!!!!....
أخذتي مفاتيح؟! اللــــــــه ونــــــــاسه يعني بتسوقين؟!! حلــــو يازين حياة الأولاد أخذتي المفاتيح مبســــــــوطه ومن قدك مفاتيح سيارتك معك وأنتي على الدرج سمعتي أمك تناديك...
لحظه......

وش أسمكـ؟!!
يالله أختاري..
خالد..
فهد..
نواف..
سعود..
نايف..
طلال..
فيصل..
زياد..

طيب بنتخيل اسمك وليد.. نادتك امك: ولــــيد وأنا امك خذ الاغراض وركبها في السياره علشان اليوم فيه أستراحه مع خوالك ناظرتي الأغراض
كل شنطه أكبر من الشنطه الثانيه وش بيشيل ذي؟! خلاص ياوليد أنتي رجال وهالشي بسيط بالنسبه للأشياء الجايه خذتيها وطلعتي في الشارع وحطيتي الشنطه في السياره بصعوبه...
لحظه..
لحظه..
ما انتبهتي على شي؟!!

ركبتي باقي الأغراض وجلستي ساعه في السياره تنتظرين خواتك رحتي تشوفين وش أخرهم
لقيتي وحده حاطه اللفافات في شعرها وحده تحط مكياج وحده محتاره بين تنورتين ووحده تتبخر..
حنيــــــــتي لهلحركات

وطلعو ركبتي السياره بتسوقين.. من قدك أنتي عند الباب..
مشيتي بالسياره وصلتو عند الأستراحه نزلتي الأغراض لأهلك ركبتي السياره سمعتي صوت خشن ينادي: ولـيد........

التفتي لقيتي عيال خوالك جالسين يناظرونك..
وكلهم يمشوون جايينك..واحد يقول: وينك ياوليد مختفي ماتنشاف وواحد يقول: من طول الغيبات جاب الغنايم والثاني يقول: ولا بعد ناوي تنحاش وثالث يقول : أسفهم بس وعلمنا وش أخبارك
وسكتي...

رحتي وأنتي كارهه نفسك
وش هالعيشه؟!!!!
مشيتي بالسياره..
وين بتروحين؟!
ماعندك اصدقاء..

أنتي طلعتي من عند خوالك علشانك مليتي من سواليفهم
سواليف الشباب بايــــخه
وين تروحين؟!
بيت عمك
خلاص بنت عمك ماعادها صديقتك
بيت عمتك خلاص بنت عمتك تستحي منك
وين تروحين؟!؟
عيال عمك مجتمعين تروحين عندهم؟! صعبه
جلستي تدورين بالسياره وأنتي عارفه ان بنات خالك مجتمعين في الاستراحه وأكيد وناسه
وبنات عمانك بيجتمعون في بيت وحده من عماتك وأكيد الجلسه فله
جلستي تدورين بالسياره
كارهه نفسك
صوتك..
جسمك..
شعرك..
خشونتك..
شواربك..
يدينك..
رجولك..
لبسك..
كل شي فيك كارهته
وقفتي السياره على جنب لأنك تعبتي ماتدرين لوين رايحه بس أنتي الي ماحبيتي هالعيشه عيشة الشباب أكيد مشتاقه تفضفض لصديقتك بس خلاص هي تعتبرك غريب
وأنا كنت اتمنى أكون ولد علشان أسوق سياره..بس
بس ألحين :بعد هالخيال الحمد لله انا بنت و انت اتخيلي معنا و اختبري احساسك




في انتظار تعليقاتكم