فلبينية ولا أندونيسية ؟؟؟؟؟؟؟

على حسب تجربتي ،،،،،، انا جبت اندونيسية طبعا مسلمة وخايفه ربها //// قبل لا اولد بفترة وجربتها بشغل البيت ،،، وهي طبعا متزوجه وعندها اولاد ،،، يعني تعرف للاطفال وطبعا هذا ما يعني اني سلمت امري لها وهي الزينه ،،،، لانها في بادي الامر كانت غبيه او كانت ما تسمع ،، ما اعرف شووو اوصف لج ،،يمكن لانها كان طبعها الهدوؤء فما قدرت احكم عليها بسرعة ،،، واللي كان مخوفني اكثر ان اهلي كانوا يقولوون لي كيف تامنين بعد ما تولدين تعطينها الياهل ،،،، ((( لكن اكتشفتها بعد الولاده من ثاني يوم كانت عندي في المستشفى اتشوف معاي البيبي /// وفي البيت كانت تتوله اتشل البيبي وانا طبعا كنت متحفظه //// لكن قمت اعتمد عليها قبل لا اباشر العمل ،،،، لان البنت ما كانت تريد تتعلم ترضع الرضاعة الا اذا كنت انا مش موجوده او مش جنبها /// وكانت جدا رحيمة ،،،، طبعا باشراف منى ودايما كنت اسالها واشوووف من بعيد لبعيد .....!!!!

اما الفلبينيه فاحس انه الاحسن تكون للطفل بس بعد السنتين او الثلاث لانه يفهم شوي فبتهتم فيه وبتاكله او بتعلمه انجليزي ويكون خفيف عليها .
وعلى فكره ((((( انا جربت فلبينية لبنتي لما سافرت خدامتي في اجازه وما ارتحت ابدا )))))

على حسب تجربتي انا بعد ..الفلبينيه ما ارتحت لها كانت راح تجنن اولادي وهم صغار على طول سفرتها ..الاندونيسيه حاليا هم الاحسن كنت جدا متخوفه منهم على كثر ما اسمع بس كنت تعبت من حرقه القلب ورى الهنديات بس الحمدلله جاتني اندونيسيه زينه ومشتغله
...شوفي المشغله قبل احسن في انها ما تعور راسج اللي عندنا وعند خواتي ماشي حالهم صج احيانا تخافين منهم بس الله الحافظ
بالنسبه للبيبي اول الايام احسن تعودينها قدامك وتشوفينها شلون تشيله علشان تتطمنين لارحتي الدوام
الله يحفظ عيالنا
:)

shamoos

Um Nawari

شكراً على ردكم حبيباتي .... وأتمنى أسمع رأي باقي البنات

اهم شيء بعدين انك تركبي كميرا عشان ترتاحي

حسب خبرتي مثلك لاني موظفة وعندي ولدين الله يحفظهم بالبيت عندها..

انا جربت الاندونيسية بالنسبة للاطفال احسن الف مرة من الفلبينيات او السيرلنكيات...
فيهم رقة بالتعامل اكثر وترتاحين لها اكثر...اما ناحية السحر والخرابيط هذي ماتسويها الوحدة الا اذا كانت حاقدة من قلب على المدام..
انتي عامليها بالحسنى وحسسيها انها مرغوبة وبنفس الوقت لاتشيلين عينك عنها من بعيد لبعيد واذا غلطت على الطفل او اي شي لاتتهاونين معها بلحظة الغلط وخلاص...
ومن البداية اعطيها خبر انها بتكون ملزمة بالطفل وقت غيابك عشان تحط هالفكرة براسها من الاول...
وخليك معها بالبداية لحد ماتتعود من نفسها على حمله وترضيعه وغيره...ولو تكون ام يكون اهون لك بالتعلم وقلبها بيكون ارحم لانها ام مثلك...

بس اهم شي ادعي ربك ليل نهار انه يرزقكم بالصالحة اللي تخاف الله...