فلتحيا العنوسه

الموضوع اليوم موضوع مب يديد على الساحه وخصوصاً عندنا نحن البنوتات ألا وهو العنـــــــــــــــــــــــــوســــــــــــــــــــــــــــــــــــــه

طبعا واااايد ناس يقولون إنه البنت مالها غلا الزواج ووايد ناس وما أدري ليش ينظرون لنا إحن البنات كأنا ولدنا للريل المهم
أحب أقول لكل العالم والناس إنه إحن (( طبعاً أنا مش منهم )) العوانس نقدر نعيش بدون ريل ، وطبعا ها لوايد أسباب منها :-
1- الحريه ، البنت تروم تسوي أي شي تباه لا حد يقولها لا تسير إلا بأمري لا تطلعين إلا معاي يعني حياتها حلوه تكون خصوصا لو كانت كبيره وموظفه وعندها موترها
2 - شو لنا بالمسؤوليه ، مسؤولية الريل اللي يشوفنه خدامات تحته ، والعيال اللي مالهم إلا صدعت الراس ( صحيح إنه العيال حلوين بس مزعجين :31: ) ، والريل سوي ها وودي ها وغسلي ثيابه وسوي أكله وتزيني حقه ، وكل ها يقول أف مليت منج ، وسيرون يتزوجون على حريمهم ( أف منهم والله ناكرين المعروف ) وكل ها وهي تعبانه يايه من الدوام ولا من الدراسه . ( ليش الرياييل بس يتعبون )
3 السبب الثالث ، الأشياء المو حلوه اللي يسوونها ( واللبيب بالإشارة يفهم ) .
4 - الحرمه لو كان عندها موتور وهي موظفه تستغنى عن كل الدنيا هي تصرف على عمرها وما بتكون عاله على أحد

علسان شي خاطري أعرف ليش العنوسه مو حلوه ليش المجتمعات كلها تحاربها
خلينااااااااا نرفع شعار
فلتحــــــــــــــيــــــــــــــــــــــــــــــــــــــــــــا
العنـــــــــــــــــــــــــــنوســــــــــــــــــــــــــــــــــــــــــــــــــــــــــــــــــــه