عادات استغرب منها واظنها افضع من الجاهليه ان الحرمه ما تكشف وجهها لزوجها او ولدها
انا ولدي يقوله صديقه انه مايعرف وجه امه بالله هذي عادات
استغفر الله واللي تتغطى مع الحريم
واشياء كثيره
واللي تقول الذبيحه اكيد من اهل الجنوب فديتهم وكرمهم

للاسف مجتمعنا مليئ بالعادات السيئة نفسي افرمت عقولهم و اعييد برمجتها......اه اه اه بس

ماعندنا ولاعاده سيئه لاغلاء مهور ولامنع شوفه شرعيه ولاشي سواء عدم عمل البنت في الطب وطبعا مو مرره ممنوع بس عيب

بارك الله في الجميع \مشكورات؛؛

الحمدلله مجتمعنا متخلص كثير من اغلب العادات الغبيه
يعني الشوفه الشرعيه صارت امر محتوم بعد ماكانت عيب لا عادي
ماعاد عندنا لازم تذبح لو جاك ضيف واسمحولي اقول انها عاده غلط جداً جداً جداً هذا ليس بكرم هذا اسراف
الجود من الموجود اكرام الضيف بحسن استقباله وتحط له اللي تقدر عليه وماني قادره استوعب اللي تقول لو اروح براسي لاهلي
لازم ابوي يذبح ذبيحه الحمدللله ليه الاسراف والعادات اللي مالها لازم وتحميل الناس مالا تستطيع
والله كانت معي موظفه من اهل الجنوب وزوجها ضابط وتقول مو قادرين ندفع حتى الاجار بسبب ان ابو زوجي فارض علينا ناخذ بيت كبير علشان اذا جا احد من الجنوب يجي عندنا ولازم على الاقل ذبيحتين في الاسبوع وبيتها المسكينه فندق للناس
اي عادات وتقاليد اللي تمنعني اكون نفسي وتفرض علي اكرام الناس فوق طاقتي
آسفه ان كنت ضايقت احد بهذا الكلام بس هالنقطه كثير تقهرني لآني شفت اكثر من زميله لي متضرره من الكرم المفروض عليهم فرض حتى لو ظروفهم ماتسمح وكله كوم ولاقالوا مايقلطون على دجاج حشى لحم خنزير وش فيه نعمة ربي
الحمدلله ماعاد عندنا هالتخلف الضيافه على قدرتك واللي انت تبي تحط بوفيه او صحن رز ودجاج مااحد ينقد عليك
النقطه اللي ماتخلصنا منها عمل البنت في المجالات الطبيه مازالت عيب وشق جيب واعتبار المناطق الثانيه اقل اصل منا واكرره هالشي كره العمى واتمنى يجي اليوم اللي تختفي العنصريه يارب