فلم حقيقي حصل في امريكا حبيت تشاروكني فيه

:(سلام بنات كيفكم ***** الله تكونوا كلكم حوامل عارفة حتىقولوا فين تحسب نفسها البنت في سنما ههههههه









حاختصر القصة علشان ماتكون مملة كانت في عيلة من ايطاليا عايشين في امريكا من الطبقة الكادحة يدوب يصرفوا على عيالهم الاربعة فجأة ولدهم الصغير عمرو 4 سنين جاه مرض غريب مايحضرني اسمو بس اعراضو يبدأ بالتدريج صعوبة في المشي سقوط الشعر شلل كامل عمى صعوبة التنفس بعدين الموت والعلماء بيحاولوا يخترعو دواء لانقاذ الاطفال من جميع العالم ويسوا ابحاث وكل شي المهم كان الاب والام يحضروا محضارت مع العلماء ويروحوا مركز الابحاث ويقابلوا اهالي للمرضى علشان يتعرفوا على مرض ولدهم الحبيب اهملوا اطفالهم الباقين وقرروا يرسلهم لديرتهم عند الاهل علشان يقدروا يهتمو في الغلبان المريض ويرحوا لمكاتب الابحاث ماخلو ولابقو لدرجة الناس والعلماء طفشوا وتهموهم بالجنون وتخاصمو حتى مع الاهل علشان المبالغ في دراستهم للمرض وتدخلهم في ابحاث العلماء وكثرت اسألتهم المفروض ولدهم حايموت لا محالة وفجأة اكتشفت الام دواء من زيت الزيتنون بس كان يخفف الاعراض وعدا عليهم كم سنة يمكن 3 صار ولدهم يتنفس بالجهاز الاب والام اتحطموا صارو زي المجانين كثفوا ابحاثهم وفجأة الاب وهو نائم حلم بمعادلة كيمائية سبحان الله جري على الام وقالها على الحلم كثفوا البحث وجدوا علاج ولدهم من الكرم او الملفوف شي زي كدا يتقطر ويتاخذ منوا مادة معينة عالجو ولدهم و رجع بصروا ونفسوا وقام وتسمى العالاج بأسمو وصار يتصنع في جميع العالم وانقاذ اطفال كثير

حاتقولوا ايش الهدف من القصة اقلكم لاهم دكاترة ولاعلماء ولا متعلمين او مثقفين وفقراء وسوا اللي مسواه اي عالم او باحث كان عندهم بس امل وايمان اتصورا في الفلم كانوا يتضرعوا لله وجاهم بحلم الاجابة
وحنا يابنات وين من دا كلوا الشي الي فالحين فيه نبكي ونتألم نلفلف في الاسواق وروح افراح وبعدين نرجع نبكي ونولول نقرأ القران يوم ونتكسل عشرة نقوم الليل شهر وننساه شهرين مادري حبيت تشاركوني القصة ذي مثال لكل شي ولكل امل وربنا يعطي العاصي فكيف احنا المسلمين يالله رحمتك اهدينا ورزقنا الحمل السليم