منتهى التفاؤل :

جزاك الله خيرا اختي بس عندي استفسار وياليت لو تجاوبيني عليه كيف حملتي الخطوات في الجوال وهل لازم وصله وشكرا مقدما

جزاك الله خيرا اختي بس عندي استفسار وياليت لو تجاوبيني عليه كيف حملتي الخطوات في الجوال وهل لازم...

Ratoooga :

انا في اختباار ولازم انجح هذا هو شعاري لمواجهة اي مشكله في حياتي قبل كنت ابكي واصارخ واكره كل اللي حولي بمجرد ان اكون في مشكله وما لقيت لها حل انا كنت في مشاااكل كثيره جرح قلب وجرح جسد مالقيت لها حل من اللي حولي يسمعوني ويتعاطفون معاي بس ما عطوني حل طول النهار هم معاي ويسالو يمكن يسمعو شي جديد وفي الليل اكون وحدي اتصالتهم كثيييييييره هااااااا وش صااار جديد لاكن وقت ما اكون مبسوووووطه ما الاقيهم والله والله والله كنت في مشكله خلاااااااااص انسكت الابواب في وجهي ما اقدر اروح واشكي اي احد اسال روحي لو شكيت اش راح يعملووووووووووا ولاشي --- وفي اخر الليل كنت اتكلم مع واحده من البنات في الايميل قالت لي قومي صلي وادعي ربك انا والحمدللله بصلي الوتر ومحااافظه عليها بس مو مثل هذي السنه هذي السنه صرت اتمسك فيهاااا اكثر حبيتهااااا واتعلقت فيهااااااااا احيااااااننا ارمي همومي عليهااا ويجي يوم ثااااااني والاقيه احلا واحلا واحياااااننا ادعو ربي انه ما يحرمني من هذي الجلسه واكون معااااااه بس ادعي اللهم اني اسألك حبك وحب من يحبك وحب عمل يقربني الي حبك صاااارت حياتي احلا حتى لو تكون فيها مشااااكل ما اعطيها اي اهتمام مثل اول صارت مشاكلي اقل ولو اتخاااصمنا ما يطول الزعل مثل اول واكرر انا في امتحان ولازم اصبر لاجل رضى ربي ما همني غيره <B><FONT face="Arial Black"><FONT size=4>قررت اغير حيااتي و%

انا في اختباار ولازم انجح هذا هو شعاري لمواجهة اي مشكله في حياتي قبل كنت ابكي واصارخ واكره كل...

اكثري *الاستغفار* :

جزاك الله خير يا ام احمد يا الغاليه انتي واولادك على دعواتكم الحلوه والله لا يحرمنا منكم والله يوفقكم في الدنيا والاخرهيارب ام احمد ابغاكي انتي واولادك تدعوا لأمي انها تتيسر ولا دتها وتجيب احلى مولود يارب تيسر لها ولادتها ***5*** بسطي حياتك وبسطي الامور من حولك بالنسبه للبساطه انا ماراح اقول اني مره بسيطه لا اعتبر نفسي بالنسبه للبساطه وسط يعني ماني متكلفه مره وايضن ماني مره بسيطه وخير الامور اوسطها احاول ارتب كلامي في نقاط عشان يسهل علي الكتابه ويسهل عليكم الفهم * بالنسبه لغرفتي عاديه ومافيها تكلف ابد *بالنسبه للجامعه اشوف بنات يتكلفوا من خلال وضع المكياج الكامل كأنها رايحه لزواج ولازم لبس عالموضه واشياء كثيره بالنسبه لي انا ما احب التكلف فانا بسيطه نوعن ما تلقيني بشنطه وحده اومرات في الايام اللي مافيها امتحانات تلقيني اغير شوي والمكياج اكتفي بروج ناعم بسيط وفي بعض المرات كحل بسيط جدا داخل العين ما احب التكلف مره مره *بالنسبه للزواجات البعض لازم كوافيره ومكياج بأغلى الاسعار وتسريحه معقده وفستان ثقيل واكسسوارات لمعتها مرهقويه على كيذا راااااااحت البساطه حتى بعض النساء هداها الله متكلفه وتشتري فستان بالالوف وفي الاخير نهايته بالدولاب وهذا اكيد من الاسراف اعوذبالله تكلف على نفسها وعلى اهلها وعلى زوجها بأشياء لاترضي رب العالمين لماذا التكلف لماذا لانأخذ من ربع هذه الفلوس التي نسرفها في اشياء لاترضي الله ونتبرع فيها للمحتاجين واليتامى فوالله را تحسوا بالسعاده وهي اكيد اذا كانت خالصه لله بأذن الله راح تكفر الذنوب بالنسبه لي حتى في زواج قريبتي ما تكلفت وحاولت ودورت حتى اشتري فستان بقيمه وسط لاتتعدى 400 ريال وفستان حلو ماشاءالله وانيق وساتر ومو قديم كمان ومو دفش والحمدلله انا اقدر اني اشتري اكثر من هالقيمه بحكم انه كنت في الجامعه وكان فيه مكافئه لكني لا اريد ان اغضب الله بقطعه قماش اخرتها في الدولاب **ولا تقولو ا بخيله اعوذبالله من البخل **لكن هناك فرق بين البخل اللي هو بنظري امساك المال عن الخير وبين مراعاه الله في الشراء اللي هو صرف المال لكل مايرضي الله ولا يغضبه بالنسبه للتسريحه كانت ناعمه والاكسسورات اكتفيت بخاتمين وحلق بحكم انالفستان كان شوي فيه لمعه لذلك لا اريد ان اخرب النعومه والمكياج انا سويته في البيت **واللي ماتعرف ممكن تطلب من الكوفيره مكياج ناعم وبسيط واقل في التكلفه والمكياج الناعم هوالاجمل والذي يظهر الملامح صدقوني ** *فيه ناس اعرفهم يصرفون فلوس محتاجينها في اشياء مال امها داعي وفي الاخير اكيد ندم *بالنسبه للضيافه بعض الناس يتكلف ويجيب اكثر من نوعين من الحلا والفطاير ويتكلف في اللبس وكأنه زواج ويتكلف ي العشا ولازم كم نوع حلا و كم نوع سلطه وكم نوع عصير **الله يعين المعده بعد هاا لتخبط بس تلقينها تأن وتصرخ وتقول خلاص ما ابغى اكل ** في اشياء لكن هذا اللي قد اعصره من مخي العزيز ليه الاسرااااااف لييش كيذا الواحد كيذا راح يطفش من الزيارات ليش منخليها بسيطه

جزاك الله خير يا ام احمد يا الغاليه انتي واولادك على دعواتكم الحلوه والله لا يحرمنا منكم والله...

فقدتك يمه :

السلام عليكم ورحمة الله وبركاته ... اشتقت لكم لي كم يوم ما يفتح حواء وخاصه هالموضوع كل ما ادخل يعلق ولا انا قادره اشوف الصفحات الفايته قلت اقل شي احط رد لو ماقريت مع اني نفسي اقرى ردود البنات بس عاد ما باليد حيله .... حبيت احط وحده من تجاربي وانبه على اخر نقطه بالموضوع وهي (الثقه ) حبيت اكمل هالخطوة واكتب تجربتي ... الثقه صفه رائعه وهي نوعين ثقه مطلقه وثقه محدوده.. .. المطلقه لاشخاص نثق فيهم ولا يمكن يخونون او يضرون لاننا عارفينهم ومتاكدين منهم .. وثقه بحدود ومدروسه تكون مع ناس جديدين علينا ما نعرفهم ما بيني وبينهم تجارب او تعامل او لهم افكار غريبه يستنكرها العقل ,,,,, الثقه المطلقه اول شي هي الثقه بالله نعم بالله لو وثقنا بالله ثقه مطلقه كان ما صارت هذي حياتنا صدقوني لو وثقنا ثقه كامله بالله لاخذنا من هذه الدنيا فوق ما نتمنى لوصلنا لاهدافنا بثقتنا ان الله معنا والكلام لا يتنهي بهذا المجال ...ثانيا الثقه بالنفس لاننا اذا وثقنا بانفسنا وقدراتنا راح نثق بكل من حولنا .. ثالثا الثقه بمن يستحق الثقه منا .. كل وحده منكن لديها من تثق فيه مثل نفسها ناس عاشرتهم وفهمتم وعاشت معهم تجارب اثبتت لها ثقتها فيهم .. رابعا .. اهل العلم والتجربه من يؤلى لهم معظم امور الناس ومشاكلهم مثل المشايخ واهل الخبرة من المستشارين وغيرهم ... الثقه المحدوده وهي الثقه مع اخذ الحذر .. وهذي تشمل كثير من الناس من حولنا وهم اناس جدد في حياتنا معرفتنا فيهم بسيطه او قليله .. ناس عندما نتحاور معهم لا ينطبق حديثهم وافكارهم على الواقع والعادات والتقاليد ... ..... عندي تجربه عن ثقتي بالله ... باخر ايام امي الله يرحمها وبمرضها الي سبب وفاتها كانت تعبانه تعب عادي بسبب السكر ونقص الاكسجين دخلت المستشفى واخذت فايروس الحمى الشوكيه لانها تنومت مع عجوز مريضه وامي رئتها تعبانه .. المهم هذي الفترة كنت بالخارج مع زوجي يدرس وكان لي سنه كامله ما شفتها وهي اول مرة اطلع خارج السعوديه وانا كنت متعلقه فيها وهي بعد لاني الصغيرة .. قبل تدخل الغيبوبه كلمته وكانت حيل تعبانه ولا هي عارفه من انا شوي تعرفني وشوي تضيع انا كان باقي على زيارتي شهرين خفت وما قدرت اصبر حجزت على اول طيارة دق اخوي قال جيبي ولدك الصغير انه امي من درت انك بتجين تقول ابي اشوف لو واحد من عيالها قلت ان شاء الله وحجزت له معي كانت طيارتنا بعد يومين واليوم الي بنمشي يوم صحيت من النوم الا ولدي يكح قلت عادي وحنا رايحين المطار حسيته تعبان قلت نمر نعطيه بخار لان عنده الربو مرينا قالت نزلت ربو حادة وذا ما يطلع من المستشفى مسؤليه تربطت ولدي بيترقد وامي بين يدين الله دقيت على اختي الكبيرة قالت شوفي الولد مع ابوة وامي بين يدين العزيز تعالي والولد بداله ولد ذيك اللحظه عرفت ان امي تعبانه حيل لان اختي مو من طبعا ترد هالرد توكلت على الله ووثقت فيه واستودعته ولدي وتركته بالمستشفى وطلعت للمطار وكان باقي اقل من ساعه الا ربع على الاقلاع زوجي كان يقول ما نلحق قلت انا واثقه من ربي بس وصلنا قالت المسؤله لا يمكن خلاص باقي نص ساعه ما راح تقدرين تجتازين التفتيش اصلا وجلست ابكي وربي سخر لي واحد موظف بسيط رحمي راح دق على الطيار قال هذي القصه وغصب التاخير قال بتاخر ربع ساعه عن وقت الاقلاع اذا قدرت تجتاز التفتيش ولا عاد ما اقدر وسبحان الله تتيسر واجتازة مع اني محجبه وتفتيشنا ياخذ وقت لكن سبحان ميسر الامور واروح ركض واركب .. الله يجزى خير كل من ساعدني ذاك اليوم ... وصلت ديرتي من مطار لمطار الين وصلت المستشفى دخلت على امي كانت بغيبوبه وممنوعه عنها الزيارة لانها بعزل دخلت غصب عنهم ورافقت معها طبعا لان اخوي عنده واسطات وتحملنا النتايج لان المرض معدي ولو طعمت يبي لها اسبوعبن يبدى مفعولها وانا لي اكثر من 10 سنين ما اخذت التطعيمه ايام ما حجيت بس شرطو انو البس القفازات والكمامه قلت مو مشكله جلست عندها كانت بغيبوبه ثاني يوم فتحت لما فتحت عينها تناظر فيني تحاول تميز وكانها خايفه او مستغربه ما قدرت اشوفها كذا وثقت انو الله هو الحامي وذي امي ورميت الكمامه والقفازات وقربت لها وضميتها وبوستها قلت عرفتيني ابتسمت ما كانت تقدر تتكلم من الاجهزة والليات الي بفمها قلت اذا عرفتيني اضغطي يدي وضغطتها وقالت اسمي بس بصدى صوت وبعدها غابت وخلفت ما البس كمامه بعدها وربي هو الحافظ من بكرى اخوي جاء وزعل علي يقول وراك سفر وولدك فيه ربو اذا انتي استحملتي هو طفل قلت اترك عنك الكلام انا واثقه بربي ما احرم امي من شوفتي باخر ايامها عشان كلام فاضي وجاء الدكتور عطاني حبه قال هذي وقائيه ان شاء الله تفيدك مدتها 10 ايام لحد ما يبدى مفعول التطعيم وجلست عنها 9 ايام وكله قربها وابوسها واسولف لها وامسحها واغير لها واروشها ولا هو كثير عليها وبعدها اضطريت اسافر عشان ولدي وهي دخلت غيبوبه كامله بالعنايه المركزة رحت على اساس ارجع بعد مده قصيرة مع عيالي .. بعدها باسبوعين توفت لكن قبل تتوفى بيومين فتحت ونطقت اسمي اخوي كان يقول ما تشعر وانا اقول له تشعر وعرفتني ما صدقوني سبحان الله بس فتحت عيونها سالت عني وقالت راضيه عليها وغابت ثاني وبعدها بيومين توفت الله يرحمها ويسكنها فسيح جناته اموات المسلمين ..وانا بصحه وعافيه وولدي بعدها ما جته نزلت الربو الي يترقد عشانها بالعكس تحسن كثير كثير وصار تعبه نادر ولله الحمد وايقنت ان هذا من ثقتي بربي وحبي لامي واحساسي فيها ورضاها عني ولله الحمد والمنه ...الله يجعلني واياكم من يثقون بالله وباخيار عبادة ويرزقنا رضى الله وثم رضى والدينا ويرزقنا محبته ومحبة ملائكته وخلقه يا حي ياقيوم .. معليش طولت عليكم بس حبيت افيدكن بتجربتي لاني احببتكن في الله واعتبرتكن اخواتي حفظكن الله من كل سوء وحفظ لكن كل غالي ..

السلام عليكم ورحمة الله وبركاته ... اشتقت لكم لي كم يوم ما يفتح حواء وخاصه هالموضوع كل ما ادخل...