فلوسي وأسوي فيها اللي أبي......ابي رايكم بعد

السلام عليكم ورحمة الله وبركاته

مثل ما هو مكتوب في العنوان انا الحمدلله وضعي مقتدر وزين ومن زمان وانا كل ما اجمع مبلغ معين اروح اشتري فيه ذهب لاني اعشق الذهب وصراحة أحس براحة نفسية بس يكون عندي ذهب وأتعمد أجيب الذهب الأصفر عشان يحتفظ بثمنه أكثر
المشكلة مو هنا
المشكلة بعضهم يقول لي ليه تحرمي نفسك من الماركات الغالية مع انك تقدرين تشترين يعني مثلا لو كان معاي 5000 ريال اروح اجيب ب 4000 ذهب و1000 ريال مثلا اشتري فيهم ملابس وشنطة وصديقاتي يقولون اني غبية وش ابي بالذهب يقولون ان الذهب الاصفر مو ستايل وكشخة :44:
انا ما همني كلامهم بس الحين انا من طبعي كل ما يطيح في يدي مبلغ اروح اجيب فيه ذهب حتى الحين مع الغلا اروح اجيب ذهب ما اقدر يعني لو طاح بيدي الف ريال اروح اجيب خاتم ولا اتركها كذا عشان ما اصرفها واحس الملابس الماركة مالها داعي مع اني ما احرم نفسي اجيب ماركات احيانا بس ما احب اجيب الماركات الغالية مرررررة
هل غلط اجيب ذهب؟ حتى لو اصفر؟ حتى لو في هالوقت مع ان الذهب غالي؟
ابي رايكم من جد لأن اللي حولي يقولون عني غبية :mad: بس انا ما احس براحة نفسية الا بعد ما اشتري ذهب بالمبلغ اللي احصله وأصر على الذهب الأصفر وبنفس الوقت مو حارمة نفسي لبس واكسسوارات الحمدلله.