فلوسي واملاكي بوزعها بالتساوي

عيدكم مبارك وربي يسعد ايامكم دنيا وآخره
حبيباتي عندي عمليه بعد اسبوع وبحكم سني قابلني دكتور
التخدير وشاف ملفي المرضي وقال توكلي على الله ولا تخافي
تخدير كامل ...عاد اليوم بعد صلاة الفجر جاتني فكره مدري
كيف قلت لازم اكتب وصيه لان الانسان الصغير مايضمن
حياته فمابالكم الكبير ...كيف اكتب الوصيه هل اوثقها
او بخط ايدي واوقعها ؟ بوصي بس على امي لانها وحيده
وانا الي قايمه فيها وبوصي على فلوسي يتقاسمونها عيالي
بالتساوي سواء بنات او اولاد ومدري هذا يجوز شرعآ ولا
لا ومدري بنات هل نسيت شي مهم الي جربت حد موصي
من قبل تفيدني...ونيتي اشرك اخوي بالوصية بعد وماعرف
كم اخصص له نسبه لاني خايفه مايجوز شرعآ
لانه حاله على قده
وعندي مبلغ مجمعته لشراء ذهب لبنتي واجلت الشرا
لغاية ينزل سعر الذهب هل اكتبه لها ؟ لان نيتي كانت لها
وعندي ايجار بيتين وخايفه اثقل على عيالي ان وصيت
ببناء مسجد بأسمي اخاف ماتكفي الفلوس ويضطرون
عيالي يكملون من عندهم
وفيه يتيمين كافلتهم هل اوصي ماتنقطع الاعانه عنهم
لانها تنخصم من راتبي شهريإ وتروح لهم وعيالي مايدرون
الي عندها او فكره بسيطه ولا خابره حد وصى ياليت تعلموني
يحفظكم الله